Mataimakin Sufeto Janar na ’Yan sandan Najeriya mai kula da Shiyya ta Biyu da ke Legas, Adamu Ibrahim ya tabbatar da matakin da kwamitin ladabtarwa na hukumar ya dauka na korar wadansu ’yan sanda 4 da ke aikin sashin yaki da manyan laifffuuka da fashi da makami (SARS) a shiyyar Ikeja Legas, da aka zarge su da yin garkuwa da mutane da fashi da makami da cin zarafin jama’a.
Wata budurwa mai kimanin shekara 19 mai suna Dorcas Adilewa, ta fada hannun ’yan sanda a Legas bisa zargin kitsa sace kanta domin amsar kudi daga mahaifinta.
Hukumar Kwastam da ke kula da kan iyakar kasa ta Seme ta rasa jami’anta biyu a wani hadarin mota da ya rutsa da su a lokacin da suke bakin aiki.
Da yammacin Juma’ar da ta gabata ce ambaliyar ruwa ta yi barna a wasu sassan birnin Abeokuta, lamarin da ya yi sanadiyyar salwantar ran mutum 12 tare da salwantar dimbin dukiya, bayan saukar ruwan sama kamar da bakin kwarya da aka shafe kimanin awanni hudu ana yi.
Hukumar Yaki da Yi wa Tattalin Arziki Tu’annati (EFCC) a Jihar Oyo ta shiga sahun takwarorinta na duniya wajen gudanar da gangamin ranar yaki da cin hanci da rashawa ta Afirka da ake yi duk ranar 11 ga watan Yulin kowace shekara.
Shugaban Cocin Cathedral da ke Kalaba a Jihar Kuros Riba, Rabaran Tunde Adeleye ya bayyana goyon bayansa ga mabiya addinin Kirista a ko’ina suke a kasar nan cewa su kare kansu daga matakin kisan kare dangi da suke zargin Hausa-Fulani na neman yi musu, inda ya ce ana fakewa da rikicin Fulani makiyaya ana kashe musu shugabannin addininsu.
Daruruwan lauyoyi ne a Jihar Kuros Ribas a karkashin kungiyar Law Officers Association of Nigeria (LOAN) suka yi zanga-zangar lumana saboda yadda albashinsu ya yi karanci matuka.