Categories: Fagen Siyasa

Akwai masu kokarin kawo wa APC ta Katsina matsala da ke Abuja – Masari

Gwamnan Jihar Katsina, Alhaji Aminu Bello Masari, ya yi zargin cewa akwai wadansu ’yan siyasar Katsina da ke zaune a Abuja da suke amfani da karfin Gwamnatin Tarayya domin kawo wa APC matsala a jihar.

Gwamnan ya bayyana haka ne a wajen wani taro da ya yi da shugabannin jam’iyyar daga kananan hukumomi 34 na jihar, inda ya ce wadannan ’ya’yan APC da ke buga siyasarsu a waje sun yi ta kokarin jefa jam’iyyar da gwamnatinsa cikin wani hali. Alhaji Aminu Masari ya ce jam’iyyar tana bukatar garambawul domin abubuwa su tafi yadda suka kamata.

ADVERTISEMENT

Gwamna Masari ya ce rashin bin doka na iya kawo karshen APC. “An kai bangaren APC na Jihar Katsina da gwamnatina kara gaban kotu sau biyu wanda doka ta tanadi cewa duk wanda ya yi wa jam’iyya wannan a kore shi. Sau biyu ana kai mu Kotun Daukaka Kara”

Gwamnan ya ce “Ana amfani da kudin Gwamnatin Tarayya wajen yakarmu, kuma har yanzu da su ake amfani, mun san abubuwan da suke faruwa. Muna nan, wadanda suka rasa zaben fitar da gwani a 2015 har yau ba su shigo cikin Katsina ba. Ba za mu kyale su, su kawo mana matsala ba a siyarsarmu da mulkinmu.”

ADVERTISEMENT

“Wadannan mutane ne suka hada kai da PDP a Kotun Karar Zabe domin a rusa nasararmu. Kuma su ne suka buga katin shaidar jam’iyya miliyan biyu domin kawo rikici a zaben fitar da gwani.”

Wani Jagoran APC a jihar, Bala Abubakar, ya tabbatar da haka inda ya ce za su kori wadannan ’yan siyasa daga APC. “Za su iya zama ’ya’yan APC a Abuja, amma ba a Katsina ba,” inji Bala.

. .

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago