Categories: Rahoto

Albashi: Takaddama ta kaure tsakanin Gwamna Masari da malaman S. Power

Takaddama ta kaure tsakanin Gwamna Aminu Masari na Jihar Katsina da malaman S. Power masu koyarwa a makarantun sakandaren da ke fadin jihar.

Malaman S. Power, wadanda suka shiga wani yajin aiki a yau Litinin bayan cikar wa’adin da suka bayar ya cika akan rashin biyansu albashin su har na tsawon watanni biyar.

ADVERTISEMENT

A jawabin da ya yi, Gwamna Masari ya ce, a iya sanin sa wadannan malamai basu bin shi ko kwabo na albashin su domin duk wata sai yasa hannun amincewar a biya su hakkinsu. “Ko watan da ya wuce, Naira milyan 103 na bayar na albashin su ta ofishin jami’in da ke kula da wannan shiri”. Gwamnan sai ya zarge su da cewa, suna dai so ne su kawowa shirin sa na habaka ilimi a jahar tarnaki. “Saboda haka, tunda ba ma’aikata ba ne na din-dindin, in suka tafi yajin aikin sai mu biya su mu kuma kore su mu dauki wasu”.

Da suke mayar da martani akan wannan furuci na Gwamnan, kungiyar ta bakin Mataimakin Shugabanta na Jiha Kwamared Najeeb Mukhtar ya ce, “A iya sanin mu har zuwa wannan rana babu wanda ya biya ko kobo. Muna kuma kira ga shi Maigirma Gwamna da ya bincika domin sanin inda kudaden da yake biya suke shigewa. Kuma mu ba manufarmu ba ce ta kawowa kowane irin shiri na gwamnatinsa wani cikas ba ne. Mu da shi sai godiya da girmamawa. Mun dauki wannan mataki ne domin nuna bacin ran mu akan rashin sanin halin da muke ciki, bayan duk wata hanyar da ta kamata mun bita abin ya ci tura”.

ADVERTISEMENT

Kamar yadda Aminiya ta jiyo daga wata majiya, shugabannin makarantun da wadannan malamai ke koyarwa a wajen su, basu ji dadin wannan mataki da wannan kungiya ta dauka ba. Sai dai sun yi fatan warware wannan matsala a cikin ruwan sanyi.

Jamilu Adamu

Recent Posts

Kirkiro Masarautun Kano: Kotu ta tsayar da ranar yanke hukunci

Babbar kotun jihar Kano ta tsayar da ranar 14 ga Nuwamba 2019, a matsayin ranar da za a yanke hukunci…

1 hour ago

An yi arangama tsakanin ‘yan Kwankwasiyya da Gandujiyya a Kano

Akalla mutum takwas ne suka samu raunuka yayin da aka lalata motoci 10 a yau Litinin lokacin da aka yi…

2 hours ago

Kotu ta daure direba kan zargin yi wa agolarsa ciki a Abuja

Wata Kotun lardi ta birnin tarayya da ke Garin Jiwa Abuja, ta bada umarnin tsare wani direba mai shekara 36…

5 hours ago

’Yan bindiga sun tarwatsa kauyuka 16 sun kashe ’yan banga 3 a Kaduna

Al'ummar Karamar hukumar Igabi da ke a jihar Kaduna sun waye gari cikin tashin hankali inda wasu ’yan bindiga suka…

5 hours ago

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

11 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

11 hours ago