Categories: Kiwon Lafiya

Amsoshin Tambayoyi

Ni ma ina da yarinya wadda idan tana barci komai sanyi sai zufa ta karyo mata a goshi. Ko hakan matsala ce?

Daga Dan Tanin Yelwa

ADVERTISEMENT

Amsa: A’a ita ma wannan ba matsalar lafiya ba ce, bambancin halitta ne, misali kamar masu jiki sukan samu haka. Don haka idan tana da dan jiki, kai ko ma ba ta da shi za a iya samun haka. Idan da a ce idan tana barcin jikewa take da gumi shi ne za a iya cewa akwai matsala, amma zufa a goshi kawai ba matsala.

ADVERTISEMENT

Ina da juna biyu wata tara kuma hoton scanning ya nuna na kusa haihuwa. Zan iya yin doguwar tafiya, in yi wanki, in yi surfe saboda in samu motsa jiki?

Daga Hannatu M.

Amsa: Eh, duk da ana so a rika motsa jiki sosai a karshen ciki domin samun saukin nakuda, ba a so motsa jikin ya yi yawan da zai sa ciwon jiki ko ma haihuwa kafin lokacinta ba shiri. Don haka a kullum za ki iya yin daya kadai daga cikin abubuwan da kika lissafa, amma ba duka ba.

Shin mai irin jini AA wanda bai da ciwon sikila zai iya auren mai AS, wato mai rabin sikila?

Daga Muhammad, Kano

Amsa: Eh, wannan ba matsala, domin a cikin ’ya’yansu ba za a samu mai ciwon sikila ba, sai dai masu rabin ciwon da wasu lafiyayyu. Su kuma ’ya’yan masu rabin ciwon su ne za a ce ba za su auri wani ko wata mai rabin ciwon ba, don kada su yada ciwon a jikokinsu.

Masu lafiya ma, wato AA za su iya auren masu sikila wato SS tunda su ma a ’ya ’yansu ba za a samu masu sikila ba sai dai masu dauke da rabin ciwon. Su a nan dukkan ’ya’yan ne za su samu rabin ciwon (AS), wato ba lafiyayyu (AA) ba.

An ce raba da ke sauka a gida tana da illa ga yara. Ko haka ne?

Daga Nasir Kainuwa Hadeja

Amsa: Eh, haka ne, ba a so gida ya cika raba da yawa, ko kuma ya bushe da yawa. An fi son tsaka-tsaki, wato danshi daidai-wa-daida, domin dukkansu rabar da bushewar wurin za su iya sa mura da cututtukan huhu irin su asma da sauransu.

..

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago