Categories: Makaranta

Bararrajewar baza bezar buzuzu (1)

Burgar Buzu

Bezar buzuzu

ADVERTISEMENT

Baje batutuwa buzu-buzu

Burgamin bezar buzu

ADVERTISEMENT

Bagun burgun baza beza ta bazu

Kwaramniyar kwakwazo

An zo an zo

Ana kwasar kanzo

Da cakumar cizo

An bazu bazo-bazo

Harshen hada-hadar hobbasa

Hoccabe Haurobiyawan sassa

Harkoki ba wasa

Hauhawar hawan-sa

Hakilon maganganu ba sa-in-sa

A sassan duniya

Al’ummu sun dauri aniyya

Wasu na ta hatsaniya

Babu inda ba a hayaniya

Bisa nakasu da yawan danniya

An koka da nunin wariya

Labaran da  yanzu an ka bibiya

Mulkin mulaka’u ya sa wasu turjiya

Al’adu sun yi sukurkutar sarkiya

Wai dan baya ga dangi  bai bin Baturiya

Bakaken Turawa illarsu ta baibaye

Bi-da-bi an bi kasa an mamaye

Masu ra’ayin rikau sun ki su waye

Balaguro ake ba waiwaye

Bar batun wane ko  waye-waye

Ai ginin haruffa

Kalmomi sun karfafa

Jimloli sui kyakkyawar siffa

Sai kammalallun kalamai sui musaffa

Ko a samu madogara a dafa

Ana ta bibiyar dabi’un dan Adam

Ana ta tankiya wasu sun yi bakam

An kama baki an yi gum

An daure dami anyi tumu tum-tum

An  daddaure tanka tam-tam

Harsashin kafa tubali

Aiki da natsuwar hankali

Kowane ya zam da fasali

A daina difara rowar zumbuli

Ai kuzarin sukuwar ingarmar akawali

Fullon falalen fi’ili

Ba a bukatar burtali

Ba a biyan haraji da jangali

Masu kwasar matsabban shagali

Su suka haifar da zare kansakali

Lamari ne mai firgici

Tuni akai sakaci

Sullutun solobiyon sakarci

Shammatar sakaci

An zo ana ta kakarin tsokaci

Mun ga bala’in balbali

Sare wa mutum kwalkwali

Ko daba wuka mai walwali

Kan matsalar cikin cokali

Wai fifi-dallo na laluben lawali

Ba nazarin kimiyya

Sai faman kimiyyar kimtsa miya

Gararumar gyaran gafiya

Sunkurun samarin-kusun jirgiya

Jimamin jama’a jirin juriya

An ki a bibiyi fannoni

Ko zama gaban malami masani

Ko mun samu faskaren ma’anoni

A warware mana kullin kirtani

Zanen zayyanarmu ta fi kawar surfani

Kimiyyar nazarin halittu

Tantance rayayyu da matattu

Langabun uwar jiki ba batu

Tunanin karkatattu

Tabbatar hankulan kauce wa zautattu

Babatun buruntu

Batan-baka-tantan din batattu

Makalun makalo makalutu

Kwarmaton karime-karimen kantu

Gudun sambatu ya hana ba da sautu

Kimiyyar sarrafa sinadarai

Kanwar mandon mandar gishiri a ruwa garai

Sabulun salon magance kai-kai

Kwayoyin magungunan tarairayar rai

An iya sarrafa robobi sarai-sarai

Dabarun kere-kere

Hakar butsatsen kwakware

Kwane-kwanen kwanare

Bokan Turai na da tsare-tsare

Juya akalar ayyuka a tare

Na’ura mai kwakwalwa

Ayyuka take fasaltawa

Bitar karatu tai ta tilawa

Darussa tana jerawa

Alkaluman jaddawali ta zam lisaftowa

Hauhawar hawan-san Hausawa

Artabun arangamar Auzinawa

Aringizon Arawan Arewatawa

Azarbabin azabar angizawa

Buzuzun bugun bangajewa

Hargagin Haurobiyawa

Kasurar kosawa

Kintancen kwance-kwancen kwatancen kwancewa

Bambamin bututun busawa

Carin carkin cakwaikwaiwar cancarewa

Nawar noman nomau

Tankiyar tanke tanka tamau

Cin dunun dannau

Kanne na-mujiyar Kannau

Lakumar lomar lunkumau

Tubalin tubanin tarwatsa tabahuwa

Tagaza Tabawa

Turmutsitsin tururuwa

Tarairayar tarin taruwa

Tunfafiya tana tohuwa

Tururuwan tereren ture Turawa

Turnukun tabarbarewa

Takararar takurewa

Tunkahon tunkudewa

Take-taken tattakewa

Ina kuke ne ’yan uwa

Ku daina duk wata kokowa

Wautar wawurar wawa

Camamar cumuimiyar cabawa

A yunkura ai mai yiwuwa

Rigar kafi

Ko riga-kafi

Masunci ya iya kamun kifi

A daddatsa da wuka mai kaifi

Maciya su zo sui kasafi

Sankarau

Da karanbau

Cutukan da ke sukar kibau

Zogin tauna marau-marau

Juyin juwa-juwar rashin gani garau

Shanyewar gabbai ko’ina

Shammatar shan Inna

Magani ake nema mana

Kar a zo ai ta ina-ina

Tun daga bara zuwa bana

Sasarin siyasa

Sunkurun sa-in-sa

Sagaraftun sasarin sassa

Dirkaniyar dasisa

Furkaniyar farfasa fursa

Damon-kurar-diyya

Damo-da-kura-da-diyya

Dawainiyar dirkaniya

Dawurwurin danniya

Dumuiniyar duniya

Makiran Makisanci

Kwanson Kwamunisanci

Jarin hujjar ’yan cici

Gurguzun gumuzun kumurci

Jamhurun jamhuriya ya zam kirci

Tarairayar tarayya

Hakilon hade Haurobiya

Haramben hamdamar hadidiya

Husumar harigidon harkiya

Da yawan bin son zuciya

A kauce wa juhala

Babu kulla-kulla

Mai haifar da kila-wa-kala

A tabbatar da adala

Kowa ya sakata ya wala

Mu dinka kaftanin Kampala

Kar mui kasala

Mu tsala wa magabta bulala

Har su daka tsallen tsula

Sui ta lalala

Tsu-tsu tsakin tsuntsuwa

Tsaki-tsakin tsakurar tsiwa

Tsirin tsikarin tsayuwa

Tsaye-tsayen tsautsayin tsaiwa

Tsokale-tsokalen tsagalgalewar tsuwwa

Birgimar buzuzun buzuwa

Bini-binin bilinbituwa

Bambamin bututun batutuwa

Burgar barararajewa

Baza bezar basarwa

Cacar ce-ce-ku-cen cutarwa

Camamar cabalbalin cabawa

Cumuimiyar cukuikuyewar curewa

Canke-canken cikon cikon caccakewa

Cushe-cushen cunkoson cunkushewa

Zabarin zugar zazu

Farin farawar dazu

Kawo ya zuwa yanzu

Lamurra da yawa sun wanzu

A dai sarara da wargin Karkuzu

Ba’Are

Bare-bari ba bare

Burgar botsare-botsare

Ba batun bore

Bayan bunkasar bagire

Gardamar gagararre

Gangarar gagare

Gunjin gurnanin gyare-gyare

Gangarowar gare-gare

Garmar gayunar gandun gangare

A yasar da haure-haure

Da dabarbarun kurege da gyare

Ko Harare-harare

Kar a karke da sukar sare-sare

Mu dai kasance a tare

Ina masu gantsare-gantsare

Ku tsahirta a warware

Kowane sasarin kullin zare

Mu daina turereniyar ture-ture

Ko take-taken tabare

Don ka da al’amura su tabarbare

Mutane masu matukar mutunci

Ba burgar bara-gurbin butulci

Batatan-baka-tantan babatun batanci

Kundunbalar kukutar kunci

Makamar masu maraici

Nuku-nukun nukuburci

Kumbiya-kumbiyar munafunci

Rungumar rigimar keta rigar mutunci

Shantakewar shaidanci

Iskar iskokan iskanci

Hankoron haramar hukunci

Harbutsutsan hatsabibanci

Hatsaniyar hayagagar habaici

Hargowar hutsanci

Halaliyar haramci

Lalurar lusaranci

Rankwafawar raggwanci

Kwakwazon kutunguilar kwanci

Dumuiniyar daburcewar dabbanci

Dirkaniyar dimaucewar daidaici

Kumburin kambamar kunci

Kulunboton kolanci

Gardamar gardanci

Barankadamar bokanci

Curin ciyawar cicci

Mamayar makirci

Mamungar mahaukaci

Inda-indar Isgilanci

Takun tolatsewar tumasanci

Jimurdar jimamin jakkanci

Sansanin Sasarin sokwanci

Shesshekar shashanci

Sha’anin sha’awar sakarci

Shamuwar Somaliya tai shu’umanci

Shanshanin shammatar Ifrikanci

Gantsarar gaulanci

Dallakin dolanci

Carin carkin carar ci-mu-ci

Caccakar cakwaikwaiwar cuci

Kakarin ka-cici-ka-ci-ci

Li’irabin Larabci

Indira Gandin Indiyanci

Furkaniyar farashin Faranshin Faransanci

Torokon togaciyar Turanci

Hau-hawar hawan-sa ba kaskanci

Jajircewar juyin Jamusanci

Janjamin jaruman Japananci

Mandarin sunkurun Sinanci

Murgude-murguden Amurkanci

Ingilishin Ingausar inganci

Za mu ci gaba mako mai zuwa

..

Recent Posts

Kirkiro Masarautun Kano: Kotu ta tsayar da ranar yanke hukunci

Babbar kotun jihar Kano ta tsayar da ranar 14 ga Nuwamba 2019, a matsayin ranar da za a yanke hukunci…

1 hour ago

An yi arangama tsakanin ‘yan Kwankwasiyya da Gandujiyya a Kano

Akalla mutum takwas ne suka samu raunuka yayin da aka lalata motoci 10 a yau Litinin lokacin da aka yi…

2 hours ago

Kotu ta daure direba kan zargin yi wa agolarsa ciki a Abuja

Wata Kotun lardi ta birnin tarayya da ke Garin Jiwa Abuja, ta bada umarnin tsare wani direba mai shekara 36…

5 hours ago

’Yan bindiga sun tarwatsa kauyuka 16 sun kashe ’yan banga 3 a Kaduna

Al'ummar Karamar hukumar Igabi da ke a jihar Kaduna sun waye gari cikin tashin hankali inda wasu ’yan bindiga suka…

5 hours ago

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

11 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

11 hours ago