Categories: Girke Girke

Dahuwar kazar Turai

Sallama a gare ki Uwargida. Allah Ya biya mana bukatunmu na alheri. A yau na kawo muku yadda ake dahuwar kaza mai danko. Na san da yawa daga cikinku idan sun ji an ce kaza mai danko, abin da za su fara tunawa shi ne, ko za a iya cin wannan girki? Tabbas za a iya ci. Akwai nau’o’in girke-girke da dama da idan an ga yadda ake dafa su sai a ga kamar ba za a iya ci ba. Kamar yadda nake ba da shawarar yadda uwargida za ta rika canja girke-girke kamar taba girkin gida da kauye da kuma na kasashen waje ba don komai ba sai don nuna wa maigida kwarewarta a irin wadannan girke-girke shi ya sa a yau na kawo muku yadda ake girka kaza mai danko.

ADVERTISEMENT

Abubuwan da za a bukata

•        Cinyoyin kaza/kaza gaba dayanta

ADVERTISEMENT

•        Citta danya

•        Danyar tafarnuwa

•        ‘Soy sauce’ (yana nan baki a kwalba. za a iya samunsa a manyan shaguna )

•        Attarugu

•        Albasa

•        Magi/gishiri

•        Kori

•        Zuma

•        Man gyada

Hadi

Bayan Uwargida ta wanke kazarta kamar yadda na koya mana a baya, sai ta dora ta a matsami domin ruwan jikin kazar ya tsane. Sannan ta kankare bayan citta kamar rabinta tare da tafarnuwa bayan ta bare ta jajjaga su a wuri daya. Ta dauko attarugu kamar biyu ko uku ta yayyanka kanana. Sannan a dauko albasa ta yi mata yankan tuyar kwai ta ajiye a gefe.

Ta samu roba, sannan ta zuba jajjagen tafarnuwa da citta a ciki sannan ta zuba magi da kori da albasa da kuma ‘Soy sauce’ da zuma kamar cokula uku sannan ta gauraya hadin da cokali ta dauko wankakkiyar kazarta ta tsoma a cikin wannan hadi. Ta gauraya kazar a cikin hadin yadda komai zai shige ta ta dauko leda ta rufe saman kwanon/roba sannan ta bude gidan sanyi (fridge) ta saka na tsawon awa hudu zuwa shida.

Bayan haka, sai ta dauko tukunyar tuya ta zamani (non-stick frying pan) ta dan diga man gyada kadan kamar na tuyar kwai. Bayan ya yi zafi, ta dauko kazar ta sa a cikin tukunyar tuyar tana juya ta gefe-gefe har sai ta yi launin toyuwa. Sannan ta kwashe ta a ajiye a gefe. Ta zuba wannan ruwan hadin da ya rage na hadin kazar a tukunyar ya yi tafasa daya sannan sai ta mayar da kazarta ciki ta gauraya sannan ta sauke. Sai a ci da jus din lemo ko da dafa-dukan shinkafa. A ci dadi lafiya.

..

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago