Categories: Dausayin Kauna

FURE: Labarin Uwargida Farida

Muna sanar da dimbin masu bibiyar shafin nan cewa daga mako mai zuwa za mu dawo da wannan labarin. Za mu fara tsakuro shi daki-daki har zuwa karshe in Allah Ya yarda. Wannan ya faru ne saboda dimbin sakonnin da muke samu na bukatar a dawo da shi. Domin wadanda ba su san da labarin ba, za mu faro shi tun daga farko.

***

ADVERTISEMENT

Ga tsakure

Tana gama bayaninta, shi kuma sai ya dauki lokaci yana wani zane-zane a kan wani rairayi fari tas da ke zube a kan wani faifai. Bayan ya kammala sai ya kalli idanuwanta kai-tsaye. “Tashi ki matso nan gabana!”

ADVERTISEMENT

Saratu ta kidime, tsoro ya kara kamata.

“Inna lillahi wa inna ilaihi raji’un!”

Kalmomin da ta yi ta maimaitawa ke nan a cikin zuciyarta.

“Ko ba ki jina ne? Na ce tashi ki matso kusa da ni, akwai abubuwan da zan duba ne a jikinki, kafin in san matakin da zan dauka don samar miki da bukatarki.”

Ba ta san lokacin da ta tashi ta matsa kusa da shi ba. Shi kuma ya tashi tsaye, ya kama tafin hannunta, ya duba dukkan yatsunta daya-bayan-daya. Ya sanya hannunsa na dama kan goshinta, ya tsaya haka na dan lokaci. Daga bisani ya koma ya zauna.

“Ki mike kafafunki.”

Ya kama yatsun kafafunta ya dudduba, sannan ya koma kan shimfidarsa ya sake zama. Ya dauko farin yashin nan ya ci gaba da zane-zane. Daga nan ya nisa, ya aje faifan, ya dago kai ya kalle ta cikin ido kai-tsaye.

“Na karanta dukkan matsalolinki kuma tuni na tanadi hanyoyin magance su. Abu guda zan gaya miki, kada ki yi kokwanto kuma kada ki yi gardama ko musu; duk abin da na bukaci ki aikata, ki aikata kawai!”

Ita dai Saratu ta yi kasake tana kallonsa kuma tana jin dukkan abin da yake gaya mata. Daga bisani ya jera mata wasu bayanai tare da wasu bukatu da wasu sharudda. “Ki je ki shirya, nan da jibi ki dawo nan!”

. .

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago