A ranar Talatar da ta wuce a fafatawar da aka yi a gasar cin Kofin Zakarun Turai, kungiyar kwallon kafa ta Liberpool ta sha kashi a hannun kungiyar Napoli ta Italiya da ci 2-0.
Wannan shi ne karo na farko tun 1994 da ake lallasa mai rike da kofin a wasan farko na gasar. A wancan lokaci an doke Kungiyar AC Milan ta Italiya mai rike da kofin a wasanta na farko sai kuma wannan da ya faru ga Liberpool na Ingila.
Haka kuma a wasan da Chelsea ta karbi bakuncin kulob din Balencia ta Spain, Balencia ce ta lallasa Chelsea da ci daya mai ban haushi.
Sannan a shekaranjiya Laraba kulob din Paris Saint Germain (PSG) ya lallasa na Real Madrid da ci 3-0. Magoya bayan kungiyoyin Liberpool da Madrid da Chelsea ba su ji dadin sakamakon wasannin ba kamar yadda rahotanni suka nuna.