Categories: Kwalliya

Hanyoyin gyaran jiki

Assalamu alaikum tare da fatan ana lafiya. Gyaran jiki musamman ga mace na da muhimmanci sosai. Domin mata da dama wadanda suke da kananan shekaru idan jikinsu ba ya samun sinadaran da suka kamata akwai matsala. Sai a ga fatar jiki tana yankwanewa. Yankwanewar fatar na sanya mace tsufa da wuri. Don haka, dole ne a rika kula da fatar jiki da gashi da sauran gabobi.

• Gashi; a samu ayaba da kwai a cire kwaiduwar sannan a kwaba tare da ayaba sai a tsaga gashi a shafa a fatar kai hade da gashin kai sosai. A bari na tsawon minti goma zuwa ashirin sannan a wanke da man wanke gashi. Yin haka na sanya karfin gashi kuma yana hana shi zubewa sannan yana sanya shi sheki.

ADVERTISEMENT

• Farce; a samu zuma a rika shafawa a farce na tsawon minti biyar akalla sau daya a mako domin sanya farce laushi da  sheki sannan za a iya shafa zumar a fuskar domin magance kurajen fuska.

• Dilke; a samu dilke a rika shafawa a jiki kamar sau daya a mako, yin haka zai sanya fata santsi da sheki.

ADVERTISEMENT

• Tsayin gashi; a samu man kwakwa a rika yin kitso da shi ko a rika shafawa a fatar gashi duk lokacin da man ya shanye a kai. Yin hakan na sanya laushi da kuma tsawon gashi.

• Kurajen fuska; a samu lemun tsami a yanka shi gida biyu sai a diga zuma kamar digo daya zuwa biyu. Sannan a shafa a kan fuskar na tsawon minti biyar. Sannan a wanke. Za a iya yin wannan da dare kafin a kwanta barci a kullum.

• Fata; yawan shan ruwa na wanke maikon jiki sannan yana sanya fata lafiya. A kasance ana samun isashen barci a kullum domin samun fuska mai sheki.

• Domin kodewar fata; a samu lemun zaki a rika shafawa a inda matsalar take kamar sau biyu a kullum har sai wajen ya kode.

..

Recent Posts

Kirkiro Masarautun Kano: Kotu ta tsayar da ranar yanke hukunci

Babbar kotun jihar Kano ta tsayar da ranar 14 ga Nuwamba 2019, a matsayin ranar da za a yanke hukunci…

1 hour ago

An yi arangama tsakanin ‘yan Kwankwasiyya da Gandujiyya a Kano

Akalla mutum takwas ne suka samu raunuka yayin da aka lalata motoci 10 a yau Litinin lokacin da aka yi…

2 hours ago

Kotu ta daure direba kan zargin yi wa agolarsa ciki a Abuja

Wata Kotun lardi ta birnin tarayya da ke Garin Jiwa Abuja, ta bada umarnin tsare wani direba mai shekara 36…

5 hours ago

’Yan bindiga sun tarwatsa kauyuka 16 sun kashe ’yan banga 3 a Kaduna

Al'ummar Karamar hukumar Igabi da ke a jihar Kaduna sun waye gari cikin tashin hankali inda wasu ’yan bindiga suka…

5 hours ago

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

11 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

11 hours ago