Categories: Kananan Labarai

Haramta wa wasu shiga Amurka: Ana musayar yawu tsakanin Atiku da BMO

Gwamnatin Amurka ta sanar da haramta izinin shiga kasar ga wadansu ’yan Najeriya da ta ce suna da hannu a yi wa dimokuradiyyar kasar nan zagon kasa a zaben 2019.

Ma’aikatar Harkokin Wajen Amurka ta ce matakin ba zai shafi gwamnatin Najeriya ko daukacin ’yan Najeriya ba; amma zai shafi wadanda suka yi yunkurin bata zaben watan Fabrairu ne kawai.

ADVERTISEMENT

Da yake mayar da martani kan hanin dan takarar Shugaban Kasa na Jam’iyyar PDP, Alhaji Atiku Abubakar ya ce wannan hani ya tabbatar da ikirarinsa na cewa an tafka magudi a zaben watan Fabrairu.

Ya bayyana haka ne a wata sanarwa da kakakinsa, Paul Ibe ya fitar a shekaranjiya Laraba, inda ya ce, “Duk da irin fashin zabe da rana tsaka da aka tafka, gwamnatin Buhari da ’yan kanzaginta suna ta kokarin musanta abin da yake a zahiri.”

ADVERTISEMENT

Atiku ya ce ramin karya kurarre ne; kuma wata rana lallai sai gaskiya ta yi halinta.

Sai dai a martanin Kwamitin Labarai na Buhari (BMO) cewa ya yi wannan takunkumin da aka sanya wa wadansu ’yan Najeriya ya nuna karbuwar Shugaba Buhari a kasashen duniya.

A wata takarda da Shugaban BMO, Niyi Akinsiju da Sakatarenta Cassidy Madueke suka sanya wa hannu, ta ce, “Mun samu labarin takunkumin da Amurka ta sanya wa wadansu da ake zargi suna da hannu wajen kawo tsaiko a zaben da ya gabata. Amma Amurka ta yi bayanin cewa ba tana nufin gwamnati ba ce da wannan takunkumin. Hakan ya wanke gwamnatin Shugaba Buhari duk da kokarin da wadansu suka yi na ganin sun bata sunan gwamnatin.”

. .

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago