Kocin kulob din Chelsea da ke Ingila Jose Mourinho ya nuna matukar farin cikinsa ganin yadda dan kwallon gabansa dan asalin Najeriya bictor Moses yake nuna kwazo a halin yanzu a kulob din.
Kocin ya bayyana haka ne a tattaunawa da ’yan jaridu jim kadan bayan kulob din ya lallasa na AC Milan a wasan sada zumunta a ranar Lahadin da ta gabata a Amurka.
Kocin ya bayyana farin cikinsa ganin yadda dan kwallon ne ya samu bugun fanariti a wasan su da kulob din Inter Milan da ke Italiya a makon jiya kafin ya taimaka taimaka wa dan kwallon Chelsea Andre Schurrle jefa kwallo ta biyu a ragar AC Milan da ke Italiya a ranar Lahadi a gasar sada zumunta da ta gudana a Amurka da hakan ta sa kulob din ya kai wasan karshe na cin kofin sada zumunta na ICC a tsakaninsa da kulob din Real Madrid.
“Na yaba da kwazon Moses musamman ganin yadda yake yi mana kokari a wannan lokaci sannan yana daya daga cikin ’yan kwallonmu da ba su taba yin lattin minti daya a sansanin da muke horar da su ba”.
“Moses na daga cikin ’yan kwallon da za mu yi alfahari da su a kakar wasa ta bana don haka ina shawartarsa da ya cigaba da zage damtse don ganin an dama da shi a wannan karon”, inji Mourinho.
