Categories: Makaranta

Kiraye-kirayen kiwon karsanar kambama karkara (1)

Kwance-tushe

Kwasar taushe

ADVERTISEMENT

Kwas-kwas din kushe-kushe

Kwalkwalin karime-karimen kwabon tashe

ADVERTISEMENT

Kutungwilar wawushe-wawushe

An dai haifar da matsala

Na karkara na shan bulala

Jinane sun malala

Miyagu na ta kisan gilla

An dai karke da lalala

Magabta sun kwashi salala

Gari da dawa ana ta tsilla-tsilla

Gararumar dukiyar sata zalla

An haifar wa al’umma kwararar kwalla

Lallai mui karatu dalla-dalla

Rubdugun ragargazar ruga

Raga-ragar ragga

Rakin rashin riga

Rububin ragon raga

Ruge-rugen rikon rogo raga-raga

Kwanaren karo-karo

Sasarin sunkurun soro

Tumurmutsin tumbatsar taro

Kwane-kwanen kwararo-kwararo

Jimirin jinkirin Jauro

Makekiyayar makiyaya

Matattara mikakkiya

Mamayar makiyaya

Makokin marainiya

Matakin makauniya

Fifi-dallo

Futa-toro da Futa-djallo

Fulfulden fafutikar Fullo

Naman bisashe kilo-kilo

Agwagi da talo-talo

Ko dai a daina cin nama

Tabahuwa na sa hamma

Makiyaya a kara himma

Dabarar zamani ce makama

Gararambar daji ta rasa kima

Karamar hukuma

Kui masana’antar jima

Karofin rini ma a tama

Kowa ya zo a kama

Arziki ya kankama

Yau gari ya washe

An zo ana ashe- ashe

Kwakware an yashe

Dauke-dauken  daddakowar tushe

Komai-da-komai an kwashe

Bambamin Bahaushe

Bagun burgar Baushe

Bushe-bushen Barbushe

Bini-binin bin bisashe

Basarwar batun Bajamushe

Mu dai kauce wa cin mushe

Cinikinmu ya zam da kowane sashe

Kafar cutar miyagu a toshe

Kullin makirai ya rushe

A kwashi tuwo da miyar taushe

Hadin gwiwar haure-haure

Harbin hare-hare

Hargowar Harare-harare

Harigidon hure-hure

Hankoron hambare-hambare

Sasarin shure-shure

Artabun ature

Aringizo a tare

An yi taga-taga an tattare

Dumuiniyar danne dukiya a daure

An haka kwakware

Ana ta kwanare

Sana’ar na-duke da tsumbure

Kora bisashe ana are-are

Kai gwanayen kakarar kakare

’Yar karamar hukuma

An maisheta guzuma

An kwashe gararuma

Mahukuntan jiha na ta fama

Sun danne fama-famai da dama

Ba mai taimakon talakawa

Ci-amanar camama ba ta cewa

Kawuntsila na gudawa

Gwamna gwarangwam gangankon gamawa

Shi da mukarrabansa ke ganawa

Kitimurmurar karmamin kara

Labi-labi ake bi na kunya

Lawali ma ba wata hanya

An kwashe matsabbai ana dirkaniya

Gamin-gambizar hakkoki an tara

Fantamawar fatara

Baranbarama karara

Asusun asassa asara

Dibar kudin nan kwara

Wasu sun kwashi gara

Kauyukan kayau

Biranaen Barau

Na alatu da kayan karau

Ana tauna gyada marau-marau

Talakawa ba sa gani garau-garau

Kwashe-kwashen Kwasau

Jimamin Jimrau

Birgimar Barau

Karajin kasurar Kosau

Tone-tonen tunanin Tunau

Make-maken Makau

Murtukewar Mantau

Kauyukan fankan fayau

Birin Dikko a kai Kumayau

Gwamna Mai-samari na birnin Korau

Gunjin Gwamna el-Rusau

Ja-gaban jan talaka talau

Ciki da baka lafiya lau

Gari yai sumul kalau

An fara gani ko ba tabarau

Kakarin kassara karkara

Kurarin kaza kyarkyara

Gungurawar kunkuru gangara

Gararumar garabasar gara

Gogoriyon gudun gyara

Babban bakin Ce-ce-ku-ce

Yai takaddamar zance

Akai ta ka-ce-na-ce

Wai karamar hukuma ce

A jimurdar hadakar jiha ce

Masu fashin baki

Sun niki gari niki-niki

Sun bijiro da bukatar kawar da tarnaki

A daina kwasar kudi ai surkuki

An gaza farde gayaunar karkara da taki

An ce an jinka musu kudi

Masu mulki  na kwankwadar modar modi

Talaka na fama da zogi da radadi

A kasa ana ta rawar dodon kodi

Kar a koma gidan jiya baibaye da rudi

A zo ai makaranta

Rubuta ka karanta

Farfajiyar Bokan Turai ta wadata

Moriyar rayuwa a fasalta

Ai taro na mahankalta

Ai aiki tukuru a samu yalwa

Mutan karkara su ce yawwa

Shukar masara da dawa

Ganyayyakin  rama da yakuwa

Tuni sai a daina kuwwa

Zamanmu yai ban shawa

Mu caba ado da kawa

A zo ana kyakkyawa

Musafiha ta zam tafawa

Bunkasarmu ta zarta gudun laulawa

Ina kike ne Tabawa

Har da Malama Hauwa

Wata ma lakabinta Yalwa

Ku dai dora mana sanwa

Karin kumallonmu ya zam sabkewa

Sai a lalubo sana’a

Ko an samu sa’a

Don a daina yi mana ba’a

Karatunmu mai manhajar kira’a

Juhala mu ce a’a

Mu dai mu zam masu da’a

Tarairayar biyayya kyautata dabi’a

Alwala ta zam ba lam’a

Mu zam masu kana’a

Kyautata mu’amalar jama’a

Hadarin kasa maganin mai kabido

A dai yi kyakkyawan kirdado

Batun ingarma bai bukatar ado

Ku dai firfito dododo-dododo

Kar ku bari ai muku dodorido

Karsanar kiwon karkara

Karmamin kara

Kurarin kakara

Karambanin kan-kara

Kakarin kukan kura

An haifar da asara

Yanzu ake son a gyara

Wasu sun buge da wasan dara

Wasu na ta tataburzar tabara

Ai mai yiwuwa kowa ya sarara

A shawo kan rigingimu

Matsiyatan miyagu su zam kamammu

Mu yasar da dimuwar dimammu

Masu kitsa fitinu a cafke su dumu-dumu

Sungume da bisashe manya da ramammu

Mahukunta ai abin da ya dace

Diyyar karsanar da aka sace

Bujimin da ya bace

Garken garakan da ya balbalce

Sai a daina ce-ce-ku-ce

Tuni aka fasko masu kwace

Haushin fushinsu ya za a huce

Tarkon cutarsu ma a kubce

Ka da mugun aikinsu ma ya zarce

A zo ana bilinbituwa a karkace.

Ina dokar kunshe tushe

Kara zube ake rashe-rashe

Wani yai kwararar ruwan zafi tafasasshe

An gaza kawar da illar ta gushe

Yaushe za a fanshe

Ai aiki kodayaushe

Ka da ai dawurwurin yaushe-yaushe

Ko a zo ana ta soshe-soshe

Barna tai ta bashe-bashe

Wurgin wukaken washe-washe

Karshen tatsuniya kurungus

Mun gaji da kus-kus

Almara ce tattare da algus

Da musun mus-mus

Karashen karkarewa kiris

Kauyuka na cikin takura

Birane ana ta bulkara

Mahukunta ka da a makara

Talaka na shan makara

Tsintsiya a kyautata shara

Ai aiki ba jira

A nemi hanyar tsira

A daina tufka da warwara

A kange kowa daga asara

Sai manufa tagari ta shahara

Karamar Hukuma

Mahukunta ai ta fama

Wajen hana hadakar handama

Haramben Hauro daga sama

Dumuiniyar danniya ta shige duma

A dai bi doka

A rage yawan duka

Al’umma na ta kuka

Al’amuran aika-aika na shan suka

A kyautata kiwo damina da kaka

. .

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago