✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Kofin Super:  Liberpool ta yi zarra a yawan lashe kofuna a Ingila

Rahoton da kafar watsa labarai ta Naij.com ta kalato ya nuna kulob din Liberpool ne ya fi kowane kulob a Ingila yawan lashe kofuna. Bayan…

Rahoton da kafar watsa labarai ta Naij.com ta kalato ya nuna kulob din Liberpool ne ya fi kowane kulob a Ingila yawan lashe kofuna.

Bayan kulob din ya samu nasarar lallasa Chelsea a Kofin Super Cup a shekaranjiya Laraba, yanzu kulob din yana da kofuna 43 a tarihi  inda ya doke na Manchester United da ke da kofuna 42.

A wasan da Liberpool ta yi da Chelsea a shekaranjiya Laraba, an tashi ne da ci 2-2 inda aka yi bugun finareti kuma Liberpool ce ta samu nasara da ci 5-4.

Sakamakon wasan bai yi wa magoya bayan Chelsea dadi ba, ganin yadda a makon jiya kulob din United ya lallasa Chelsea da ci 4-0 a gasar Firimiya ta Ingila.

Masana harkar kwallo suna ganin sabon Kocin Chelsea Frank Lampard yana fuskantar kalubale ganin yadda kulob din ya fara kaka ta bana da kafar hagu.