Categories: Rahoto

Kotu ta tura malaman Islamiyya 6 gidan yari a Kaduna

Wata kotu da ke a Kaduna ta tura malaman makarantar Imam Ahmad Bn Hambal da ke Rigasa gidan yari a yau Litinin.

Rundunar ‘yan sandan jihar ne ta gabatar da malaman a gaban mai shari’ar Musa Mohammed Auwal a Kotun Majistare da ke zama a titin Ibrahim Taiwo jihar Kaduna.

ADVERTISEMENT

An kuma kaisu kotun ne da misalin karfe 1 na rana, sannan aka soma zaman saurarar karar da misalin karfe 2 na rana kuma aka kammala zaman kotun da misalin karfe 3:30 na yamma.‎

Wadanda aka gabatar a gaban kotun su ne: Ismail Abubakar da Umar Abubakar da Abdul’azeez Adam da Abubakar Muktar da Abdullahi Auwal sai kuma Salisu Ibrahim.‎

ADVERTISEMENT

Dan Sanda mai gabatar da kara Hassan M. Malan, ya bayyanawa kotu cewa ana zargin malaman ne da laifin hada baki a aikata laifi da kuma kebe mutane ba bisa ka’ida ba da kuma zargin luwadi.

Sai dai Lauya mai kare malaman Shehu Sani Surajo, ya bayyanawa kotun cewa, bata da hurumin saurarar karar dan haka sai ya ce, wadanda ake tuhuma an dai kawo su ne kawai domin bayyana kansu.

Ya kuma bukaci kotu da ta mayar da wadanda ake zargin hannun ’yan sanda har sai an kammala bincike sai dai dan sanda mai gabatar da karar ya ki amincewa da hakan domin a cewarsa ’yan Sanda basu da inda za su a jiye su.

Da yake yanke hukunci mai Shari’a Musa Mohammed Lawal, ya ce hakika kotun bata da hurumin saurarar karar saboda daya daga cikin laifin da ake zarginsu da shi babban laifi ne da sai babban kotu da ke jihar ne ke da hurumin saurara.

Dan haka sai ya ce, a tura da wadanda ake zargin gidan yari har zuwa ranar 29 ga watan nan da muke ciki domin ci gaba da saurarar karar.

Lauyan wadanda ake kara Shehu Sani Surajo, ya bayyanawa manema labarai a wajen kotun cewa, za su nemi belin malaman a babban kotun jihar.

Jamilu Adamu

Recent Posts

Kirkiro Masarautun Kano: Kotu ta tsayar da ranar yanke hukunci

Babbar kotun jihar Kano ta tsayar da ranar 14 ga Nuwamba 2019, a matsayin ranar da za a yanke hukunci…

1 hour ago

An yi arangama tsakanin ‘yan Kwankwasiyya da Gandujiyya a Kano

Akalla mutum takwas ne suka samu raunuka yayin da aka lalata motoci 10 a yau Litinin lokacin da aka yi…

2 hours ago

Kotu ta daure direba kan zargin yi wa agolarsa ciki a Abuja

Wata Kotun lardi ta birnin tarayya da ke Garin Jiwa Abuja, ta bada umarnin tsare wani direba mai shekara 36…

5 hours ago

’Yan bindiga sun tarwatsa kauyuka 16 sun kashe ’yan banga 3 a Kaduna

Al'ummar Karamar hukumar Igabi da ke a jihar Kaduna sun waye gari cikin tashin hankali inda wasu ’yan bindiga suka…

5 hours ago

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

11 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

11 hours ago