Categories: Fagen Siyasa

Kotu ta yi watsi da karar dan takarar PDP a zaben Gwamnan Nasarawa

Kotun Sauraren Kararrakin Zaben Gwamnnan Jihar Nasarawa da ke Lafiya, tayi watsi da karar da dan takarar Gwamnan Jihar a Jam’iyyar PDP ,Honorabul Dabid Ombugadu ya shigar yana kalubalantar nasarar da Gwamnan Jihar Injiniya Abdullahi Sule na Jam’iyyar APC ya samu a zaben bana.

Da yake yanke hukunci a yayin zaman da aka dauki sama da awa 7 ana yi. Shugaban Kotun Mai shari’a Abba Mohammed ya bayyana cewa korafin da Jam’iyyar PDP da dan takararta Dabid Ombugadu suka gabatar a takadar kararsu ba ta da tushe balle makama.

ADVERTISEMENT

A cewarsa wanda ya shigar da  karar ya kasa gabatar wa kotun hujjojin da za su gamsar da kotun cewa lallai an yi aringizon kuri’u a yayin zaben, sannan an kuma tafka kura-kurai a wajen gudanar da zaben da suka saba ka’idodin hukumar zabe da sauransu kamar yadda suka yi korafi. Ya kara da cewa wanda ya shigar da karar ya kuma kasa gabatar da hujjojin da za su tabbatar da an dakatar da zabubbuka a wasu mazabu.

A dalilin rashin gabatar da sahihan shaidu da kuma kwararan hujjoji ya sa kotun ta yi watsi da karar inda ta tabbatar da nasarar Gwamna Abdullahi Sule na Jam’iyyar APC a matsayin zababben Gwamnan Jihar a zaben bana kamar yadda doka ta tanada. Ya ci gaba da cewa “Tunda wanda ya shigar da karar ya kasa gabatar da wadannan hujjoji tare da wasu da dama ya zame wa kotun dole ta tabbatar tare da amincewa da sakamakon zabubbukan da hukumar zabe ta kasa ta bayyana. Idan za a iya tunawa jim kadan da bayyana sakamakon zaben Gwamnan Jihar wanda aka bayyana Injiniya Abdullahi Sule ne ya yi nasara, sai dan takarar Jam’iyyar PDP  wanda tsohon dan majalisar wakilai ta tarayya ce Honorabul Dabid Ombugadu ya shigar da kara a kotun inda ya kalubalanci nasarar da Abdullahi Sule ya samu.

ADVERTISEMENT

Gwamna Abdullahi Sule ya lashe zaben ne da kuri’a dubu 327 da 229 yayin da Ombugadu ya samu kuri’a dubu 184 da 281 kamar yadda hukumar zabe ta bayyana sakamakon a lokacin.

. .

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago