Categories: KungiyoyiSana'o'i

Kungiya ta karrama Shugaban Karamar Hukumar Kaura

Wata daya bayan karrama Shugaban Karamar Hukumar Kaura da ke Jihar Kaduna Dokta Katuka Bege Ayuba da Kungiyar Marubuta ta ’Yan Majalisar Wakilai ta yi, wata kungiyar matasa da ke fafutikar samar da zaman lafiya da shugabanci nagari da ke Minna a Jihar Neja mai suna Nigeria Youth Initiatibe for Peace and Good Gobernance, ta sake karrama Shugaban kan manyan ayyukan da ya gudanar a karamar hukumar.

Yayin mika kyautar karramawar da aka gudanar a ofishinsa a ranar Alhamis din makon jiya, jagoran kungiyar, Kwamared John Jerome Mainasara, ya bayyana Shugaban Karamar Hukumar a matsayin wanda ya tsere sa’a kuma abin koyi ga sauran shugabannin kananan hukumomi na Najeriya baki daya.

ADVERTISEMENT

Kwamared Mainasara, ya ce ayyukan ci gaban da Shugaban ya samar tare da nasarar samar da zaman lafiya a yankin da a baya ya sha fama da rikice-rikice su suka janyo hankalinsu ga karrama shi domin kara masa kwazo a kan ayyukan da ya sanya a gaba. Ya yi kira ga shugabannin kananan hukumomin kasar nan su yi koyi da halayensa da suka hada da raya karkara da taimaka wa mata da matasa da kuma samar da zaman lafiya.

Yayin da yake mai da jawabi, Dokta Katuka Bege Ayuba, ya yaba wa kungiyar kan wannan karamci da ta yi masa tare da ’yan majalisarsa, inda ya sadaukar da kambin ga Gwamnan Jihar Kaduna, Malam Nasir Ahmed El-Rufa’i, wanda ya bayyana shi a matsayin kashin bayan samun nasararsa.

ADVERTISEMENT

Shugaban ya yi kira ga matasa su guji zama karnukan farautar  ’yan siyasar da ba su da kishin kasa, inda ya ce su ci gaba da hada kansu duk da bambancin kabila da addini da su ke da shi domin ci gabansu da na ’ya’yansu da ke tafe da kuma ci gaban kasa baki daya.

. .

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago