Categories: Kungiyoyi

Kungiyar  Interfaith ta shirya bita kan yaki da cin hanci da rashawa

Kungiyar Tattaunawa a Tsakanin Addinai  mai zaman kanta (Interfaith Mediation Centre – IMC) da ke Kaduna ta gudanar da taron yini guda ga shugabannin addinai da ’yan siyasa da sauran masu ruwa-da-tsaki kan yadda za a shawo kan cin hanci da rashawa tun daga tushe a cikin al’umma ta hanyar gudunmawar shugabannin addini da na siyasa da kuma sarakunan gargajiya za su bayar.

Taron wanda aka gudanar a dakin taro na Sakatariyar Karamar Hukumar Jama’a da ke garin Kafanchan, an tattauna dalilan da suke haifar da cin hanci da rashawa da illolinsu a cikin al’umma da kuma dalilan da suke kawo tsaiko wajen magance matsalar wadda take addabar mutanen Najeriya.

ADVERTISEMENT

Da yake gabatar da jawabi a ranar Asabar da ta gabata kan manufar taron mai taken ‘Rawar da Shugabanni da Malaman Addini Za Su Taka Wajen Yaki da Cin Hanci da Rashawa’, Daraktan Kungiyar IMC, Dokta James Wuye, ya ce suna son samar da wata mahada ce da mutane za su hadu tare da zababbun ’yan siyasarsu don tattauna yadda za a rage mummunar dabi’ar nan ta cin hanci a kasar nan.

Daya daga cikin shugabannin kungiyar, Imam Muhammad Nuraini Ashafa, ya ce sun shirya taron ne domin nemo yadda za a magance matsalar da ta yi katutu ta hanyar daidaiku da kuma kungiyoyi kan abubuwan da ke haddasa cin hanci da rashawa a cikin kasa.

ADVERTISEMENT

Yayin da suke ba da gudunmawarsu kan dalilai da kuma yadda za a shawo kan lamarin, Shugaban Kungiyar Kiristoci ta Najeriya (CAN), reshen Karamar Hukumar Jama’a, Rabaran John Mark da takwaransa na Kungiyar Jama’atu Nasril Islam, Alhaji Ilyasu Musa, sun bayyana jin tsoron Allah da tona asirin masu aikata laifin a cikin al’umma tare da hukunta su a matsayin wasu daga cikin hanyoyin da za su rage yaduwar matsalar.

A cewar Rabaran Mark, dole ne al’umma ta tashi tsaye wajen yaki da wannan muguwar dabi’a don kare zuriyar da ke tafe da dandana kudarsu ta hanyar girbe abin da ba su suka shuka ba.

Shi ma Alhaji Ilyasu Musa na JNI, ya koka kan yadda Musulmi da Kirista suka dauki littattafansu ababen rantsuwa yayin kama aiki yayin da ba sa muhimmantar da karantarwar da ke cikin littattafan.

Wakilan kungiyoyin Musulmi da Kirista da ’yan siyasa da wakilan Sarakunan gargajiya ne suka halarci taron.

..

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago