Categories: Kungiyoyi

Kungiyar Matasa ta bukaci a kafa kwamitin bincike kan hare-hare a Karamar Hukumar Kaura

Kungiyar Matasan Karamar Hukumar Kaura a Jihar Kaduna ta yi kira ga gwamnatin jihar ta kafa kwamitin da zai binciki rikice-rikice don duba harin da wadansu ’yan bindiga suka kai a garin Zangan da ke karamar hukumar da ke iyaka da Karamar Hukumar Riyom ta Jihar Filato don zakulo maharan tare da duba hanyoyin da za a bi don magance tashe-tashen hankula a yankin.

Kiran na kunshe ne cikin wata takarda da Shugaban Kungiyar ta Kasa, Kwamared Derek Christopher ya sanya wa hannu inda ya ce hakan na daga cikin matakan da za su haifar da da mai ido a tsakanin al’ummomin kananan hukumomin biyu.

ADVERTISEMENT

Kungiyar ta mika ta’aziyya ga iyalan wadanda suka rasa rayukansu a harin, ta kuma yi kira ga gwamnati da kungiyoyin jinkai su gaggauta kai musu dauki ta hanyar samar musu da tallafin gaggawa a sansanonin ’yan gudun hijirar don rage musu radadin halin da suke ciki.

Kungiyar ta yi kira  a samar da matsugunin jami’an tsaro na dindindin tare da karo jami’an tsaro a yankin don rage yawan tashe-tashen hankulan da ke addabar yankin.

ADVERTISEMENT

Kungiyar ta jinjina wa Shugaban Karamar Hukumar Kaura, Mista Bege Ayuba Katuka, da Sarkin Attakar, Mista Nkom Wada kan matakan da suka dauka wadanda suka taimaka wajen takaita hasarar da jama’ar yankin suka yi.

Yayin da Kakakin Rundunar ’Yan sandan Jihar Kaduna Yakubu Sabo ya tabbatar da rasuwar mutum biyar a harin, kungiyar ta matasan Kaura ta ce mutane bakwai ne suka rasa rayukansu tare da asarar dukiya ta miliyoyin Naira.

..

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago