Da Dumi Dumi
ADVERTISEMENT

Kwakin tela (1)

A watan Yawon-wulli

ADVERTISEMENT

An shata kasurwar tubali

A hada-hadar tozali

ADVERTISEMENT

Tushen cinikin asali

Ba daukar matsabbai ai fatali

Komai a yi shi da hankali

Hanyar gayauna a bi lawali

Makiyaya babu jangali

An yi wa haja kulli

Don kauce wa jidali

Rubutun baki da wasali

Almajirai a kan dakali

Zuge da karo na walwali

Zayyanar allo mai kama da sifili

Wata kamar zanen muhalli

Ababakar, Umar, Usman da Ali

Sahabbai jagororin koyin Maghili

Mai imani da tawakkali

Zakkah, sadaka babu aikin zumbuli

Rafkanuwa ke sa ba’adi ko kabli

A hau dandamali

Wasu sun karke a dandali

Suna ta gantali

Adon gari na gadar fi’ili

’Yan lalle sun taka a fili

A koyi sana’a

Don neman sa’a

Talalar talauci a ce a’a

Baudadun miyagu masu ba’a

Alwalarsu tai lam’a

Masu tafka masha’a

Aikin assha babu kana’a

Mutanen kwarai ke kira’a

Ba sa keta shari’a

Sai a kada musu kuri’a

Katin zakulo Hauro

Ramin takardun kudi a tutturo

Lambobi aka kirkiro

Sai dami ya zuraro

Shan kan kwacen kwararo

Harobiyawa a kula

Da ’yan wala-wala

Masu kawo tarnakin walwala

Su samfe da salala

Da zarar sun ga galala

Ai ta cakumar cin kwala

Har wasu su hassala

Sui wa juna gula

’Yan wanki sun shafa bula

An maishe da wani gaula

Yankan fatara da kansakali

Cikin natsuwa da hankali

A ci dadi da cokali

Bisashe na bin burtali

Babu kaya ko cabalbali

Ina direban alli

Aikinka ya zam na kamili

Kar kai rowar zumbuli

Kususan in kana da hali

Kai rabo balli-balli

Mu zamto masu tattali

Ai lissafin fidda jadawali

A fasko yawan na kasa da koli

Magance bala’in balbali

A iya shagali ban da izgili

Ranar  tukunyar dambu

Ga watan madambacin dambu

karamin laujen silin dambu

An baje mana babban kitabu

Don koyon yaki da babu

Tarbiyyar addini

Ta hori mai sukuni

Ya jadadda imani

Ya bai wa masu ba ni- ba ni

Da maharumin da yai wa kansa hani

Tallata haja dalla-dalla

Ai ta kwakwar shela

An kirawo mai ’yar tsala

Ta sauke mana kwalla

Mu saya a ba mu salala

Fitowar makwalashe filla-filla

Saye da sayarwa ba wahala

A kasuwa ana shagala

Bisashe an musu talala

Ana ta kirga kudi malala

Zamantakewa in an zauna

Hada-hadar kurtun magana

A na’ura a kan gana

Tai ta batu da zayyana

Shige da ficen Hauro ta nuna

Ciniki in an kulla

Babu kulla-kulla

Ko sa wani kwalla

kidayar kai-kawon kwandala

Kusu ya sha bulala

An shammaci ’yan damfara

Masu murguda wuya da makara

Damin dukiya sui ta zara

Zaluncinsu ya zarta na kura

Kullum suna ta tada kura

Sun cutar da masu furfura

Sun ki barin al’umma ta sarara

Suna ta jido a buhun algarara

Miyagu masu tijara

Rashin imani ba sa kaffara

Sui kwado da dara

Sun kyakyata sun dara

Al’umma a mummunar marra

An ja wasu sun tafka asara

Kun ji ta’adar masu fitsara

A wannan marhala

A kiyayi ’yan wankin gassala

Masu sa wa jiki kasala

Tare da tsallen tsula

Har ai ta lalala

A inganta alala

Tallarta ta zam ba illa

Masu saye su lula

Motsa mukamukin mamula

Har da karkata hula

Jinko kudin su

Ka tara a asusu

Maganin samarin kusu

Masu maishe da mutum sususu

A dumuiniya sun yi busu-busu

Sabon salon zamani

Yai hani

Ga masu satar sani

Da ke damfara a kasuwanni

A ingiza su sui ta wuni-wuni

Karkara da birni

Sun daina gani

Balle a gan su bini-bini

Kashedin iyaye da kakanni

’Ya’ya a nemi sani

kwakwar talla

Kwakin tela

kulla-kullar jela

katon tulu a tuttula

kulalan kulu a tattala

Harkace marar matsala

A dai jira talge ya sulala

Kitif-kitif  miya a tsumbula

Balle ai tsumulmula

Ai wa tabahuwa dukan ta-mola