Categories: Kiwon Lafiya

LAFIYAR MATA DA YARA – Amsoshin Tambayoyi

Na yi ciki na fari na samu hawan jini da jijjiga, aka yi tiyata na samu jariri. Na biyu da kaina na haihu amma dan ba rai. Ga na uku ina shayarwa. Ko idan na dauki wani juna biyun yanzu ba zai zamo matsala ba?

Daga A. Tofa

ADVERTISEMENT

Amsa: Hajiya saurin me ake? Ko kuma in ce da wa ake takara? Ko da baki da wannan tarihi na matsaloli shi kansa lafiyayyen ciki ma zai iya zama matsala ballantana kina da irin wannan tarihi na hawan jini da jijjiga da tiyatar C.S da komawar da, a jere, duka ke kadai.

ADVERTISEMENT

Amma idan kin nace shawarar da zan ba ki ita ce ki samu asibiti inda kwararriyar/kwararren likitan mata take, ko da na kudi ne, ki je ki ji shawararta ki saba ta rika bibiyarki. Abin dai nufi shi ne, za ki iya gwadawa in dai a gaban kulawar irin wadannan kwararrun likitoci ne.

Ni ma matata tunda ta samu jijjiga aka yi mata tiyatar haihuwa (C.S) take samun ciwon baya da faduwar gaba. Mun je asibiti an sha magani amma har yanzu abin ya ki.

Daga A.J., Mil 12

Amsa: Kai ma ina jin sai kun hada da babban asibiti bangaren zuciya inda za su duba zuciyar a tabbatar ba tabuwa ta yi ba daga ciwon hawan jini da jijjiga. Ma’ana akwai gwaje-gwaje da za a yi musamman na zuciya ba kawai magunguna ba.

Idan ina shan magungunan karin jini kamar chemiron nakan samu taurin bayan-gida ya kuma koma baki-kirin. Ko hakan matsala ce?

Daga B.T

Amsa: A’a ba matsala ba ce, magungunan karin jini suna iya sa haka. Kawai dai ki tabbatar ba da ka kike sha ba, an ba ki ne a asibiti an kayyade miki lokaci, kuma kina bibiyar likitan da ya ba ki. Sai kuma ki rika yawan cin kayan itatuwa da na ganyaye domin ciki ya rika saki.

Sai tambayar Abdullahi A. Kotagora, wadda za a saya. Amsarka Malam Abdullahi ita ce cewa hakan da kake tambaya a kai matsala ce wadda sai kun je an duba, akwai abubuwa da dama masu sa haka.

..

Recent Posts

Kirkiro Masarautun Kano: Kotu ta tsayar da ranar yanke hukunci

Babbar kotun jihar Kano ta tsayar da ranar 14 ga Nuwamba 2019, a matsayin ranar da za a yanke hukunci…

1 hour ago

An yi arangama tsakanin ‘yan Kwankwasiyya da Gandujiyya a Kano

Akalla mutum takwas ne suka samu raunuka yayin da aka lalata motoci 10 a yau Litinin lokacin da aka yi…

2 hours ago

Kotu ta daure direba kan zargin yi wa agolarsa ciki a Abuja

Wata Kotun lardi ta birnin tarayya da ke Garin Jiwa Abuja, ta bada umarnin tsare wani direba mai shekara 36…

5 hours ago

’Yan bindiga sun tarwatsa kauyuka 16 sun kashe ’yan banga 3 a Kaduna

Al'ummar Karamar hukumar Igabi da ke a jihar Kaduna sun waye gari cikin tashin hankali inda wasu ’yan bindiga suka…

5 hours ago

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

11 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

11 hours ago