Categories: Iyayen Giji

Maraba da dokar hana sakin aure a Jihar Kano

Masu bibiyar wannan fili na Iyayen Giji kamar kullum ina yi muku gaisuwa irin ta Musulunci, assalamu alaikum. Da fatan kuna cikin koshin lafiya. Marasa lafiya kuma Allah Ya ba su lafiya sannan wadanda suke cikin mummunan yanayi Allah Ya yaye musu. Wadanda suka rasu Allah Ya jikansu da rahama.  Mu kuma da muka rage Allah Ya ba mu ikon cikawa da imani.  Allah Ya zaunar da kasarmu lafiya.  Allah Ya kawo mana karshen fitintinun da suke damun wannan kasa tamu.

A yau zan tabo wani muhimmin batu ne da ke ci wa al’ummarmu tuwo a kwarya musamman al’ummar Arewa. Wannan batu shi ne na yawan sakin aure da wadansu suka mayar tamkar  sanya riga  da safe sannan su tube ta da yamma.

ADVERTISEMENT

Al’amarin aure ya fi karfin wasa, shi ya sa addini ya hori maza da mata su yi kyakkyawan bincike a kan juna kafin su auri juna.

Sai dai bincike ya nuna daga cikin matsalolin da ke tattare da aure a nan Arewa akwai jahilci da son rai da son abin duniya da kuma neman mallakar dukiyar miji ko ta mace idan daya daga ciki ya rasu.

ADVERTISEMENT

Saboda matsalar yawan sakin aure da ke addabar wasu jihohi da ke Arewa ne ya sa wasu gwamnoni da shugabanni suka fara tunanin hanyoyin da suka kamata a bi don a shawo kan lamarin.  Daga cikin wadannan gwamnoni, akwai Gwamnan Jihar Kano Dokta Abdullahi Umar Ganduje.

A kwanakin baya ne Gwamnan ya nemi Majalisar Dokokin Jihar ta samar da wata doka da za ta rika tilasta duk magidancin da ya saki matarsa biyan diyya ga matar.  Kamar yadda rahoton ya nuna, duk magidancin da ya kuskura ya rabu da matarsa ba tare da wani kwakkwaran dalili ba, to zai biya matar diyya ko ya ci gaba da daukar nauyinta da na ’ya’yan da suka haifa  har tsawon lokacin da za ta sake yin wani auren.  Sannan daga nan dole ya ci gaba da daukar nauyin ’ya’yansa har su girma.

Gwamnan ya nuna takaici kan yadda wadansu magidanta sukan saki matansu bayan sun shafe fiye da shekara 30 zuwa sama suna tare da juna amma a kan abin da bai taka kara ya karya ba sai su sake su.  A wannan lokaci girma ya kama matar inda da wuya ta samu wani mijin da za ta sake aura yayin da mijin zai iya auren budurwa.

Abin ba ga tsofaffi kurum ya tsaya ba. Bincike ya nuna akwai matar da aka aura kuma aka sake ta a kasa da mako biyu.  Da jin haka ka san akwai rashin hankali ko rashin tunani.  Ta yaya mutum zai bata lokaci ya auri mace amma ya rabu da ita a kasa da mako biyu?  Wani zai iya cewa watakila laifin daga wajen amaryar yake.  To abin tambaya a nan shi ne, me ya sa addinin ya nemi a yi bincike kafin aure?

Za mu ci gaba

Za a iya samun Ahmed Garba Mohammed a 08097015805

..

Recent Posts

Kirkiro Masarautun Kano: Kotu ta tsayar da ranar yanke hukunci

Babbar kotun jihar Kano ta tsayar da ranar 14 ga Nuwamba 2019, a matsayin ranar da za a yanke hukunci…

1 hour ago

An yi arangama tsakanin ‘yan Kwankwasiyya da Gandujiyya a Kano

Akalla mutum takwas ne suka samu raunuka yayin da aka lalata motoci 10 a yau Litinin lokacin da aka yi…

2 hours ago

Kotu ta daure direba kan zargin yi wa agolarsa ciki a Abuja

Wata Kotun lardi ta birnin tarayya da ke Garin Jiwa Abuja, ta bada umarnin tsare wani direba mai shekara 36…

5 hours ago

’Yan bindiga sun tarwatsa kauyuka 16 sun kashe ’yan banga 3 a Kaduna

Al'ummar Karamar hukumar Igabi da ke a jihar Kaduna sun waye gari cikin tashin hankali inda wasu ’yan bindiga suka…

5 hours ago

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

11 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

12 hours ago