Rahotanni da ke fitowa daga kulob din FC Barcelona na Sifen sun ce shahararren dan kwallon kulob din, Lionel Messi ya kafa sabon tarihi a kulob din a ranar Asabar da ta wuce bayan ya lashe Kofin La-Liga har sau takwas.
Kulob din Barcelona ya lashe Kofin La-Liga sau 8 a tsakanin shekara 11.
Hakan ya sa Messi ya lashe wannan gasa fiye da kowane dan kwallo a FC Barcelona kawo yanzu.
Hatta Andre Iniesta, tsohon dan kwallon kulob din bai kama kafar Messi a yawan lashe kofin La-Liga ba.
Messi ne ya zura kwallo daya tilo a ragar Lebante a ranar Asabar da ta wuce bayan ya canja Philip Coutinho jim kadan da komawa hutun rabin lokaci da hakan ya sa aka tashi wasan ci 1-0. Wannan nasara ce ta ba FC Barcelona damar lashe gasar ta bana duk da ana saura wasanni biyu a kammala gasar.
