✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Nitson ninkayar nauyaya niyya (1)

Natsuwar nitson ninkaya Nannagawar nauyayya Nauyin niyya Nunin nuniya Ni’imar nunar naman mikiyar miya   Haramar Hijiriyya Hallarar halatta halaliya Hurumin haramin haramta haramiya Hantarar…

Natsuwar nitson ninkaya

Nannagawar nauyayya

Nauyin niyya

Nunin nuniya

Ni’imar nunar naman mikiyar miya

 

Haramar Hijiriyya

Hallarar halatta halaliya

Hurumin haramin haramta haramiya

Hantarar hana hauragiya

Hane-hanen hanin hayaniya

 

Gararumar gwaggwabar garar Girgoriya

Goron girman goyo

Gizo-gizon girgiza gariyo

Gwagwagwar gogoriyo

Girke-girken Girkawan gamayya

 

Dubu karamin laujen laujen zagaye

Gari fa ya waye

Lallai a rinka waiwaye

Kar ku ja ai muku tawaye

Ga gabzar gwankin giwaye

 

Kantakaryar kwalliya

Kwalisar kinaya

Kwallin kuliya

Kwalemar kwaramniya

Kutu-kutun kutunguilar kanniya

 

An dai yi bukukuwa

Wasu na shewa

Har da masu sheke aya

Mutane sun wataya

Ba a la’akari da mushakkar rayuwa

 

Balbalin bulaliya

Buyagin bugun Baballiya

Balbelun benun bini-binin bibiya

Bangar babakeren bankiya

Burgar barankadamar Bulgeriya

 

Tattaunawar tankiya

Tazugen tumazagin tankar turken tunkiya

Tumbatsar torokon togaciya

Tinkahon tarairayar tarayya

Tulluwar tolatsewar tabarar turereniya

 

Tsaurin tsinin tsinkayen tsintsiya

Tsiyatakun tsiwar tsiya-tsiya

Tsananin tsamin tsamiya

Tsaunin tsibirin tsunburburar tsimagiya

Tsarin tsere tsaran tsukukun tsakiya

 

Kashe fatarin zaman dirshan

Kwaran kwacan

Da kayan kwancan

Juyayin jan-ragamar jaruman

Hatsaniyar hargowar harsunan

 

Mamungar Maman-bila

Makyastu mangala-mangala

Wasan ’yar gala-gala

Waskace-waskacen wahala

Laftun laturun lalala

 

Kyalli-kyallin kila-wa-kala

Kyallar kyallin kulla-kulla

Kadondoniyar kakale

Kimanta kankanin kyalle

Kyasce-kyascen kundumbala

 

Ana ta shaci-fadi

An ce wane kai kafadi

An haifar wa jama’a radadi

An je ana ta rade-radi

Ana taraddadin rudanin rudi

 

A sai aci-bal-bal

A cika da barahuni fal

A wanke kwanta sol

Tai haske tal

Tai ta walwali wal-wal

 

Kunne-kunnen kyandir

Dari-darin dar-dar

Damarar dauri digirgir

Tunkuda tafiyar take totur

Taratsin tartsatsi tur-tur

 

Kaftun kamfatar kumfar koko

Ko  ko kuntunkun kidan koko

Dundumdurundum duhun dakon dako

Labe-laben lafkewar loko

Make-maken muku-mukun mako

 

Ana ta ce-ce-ku-ce

Kar dama ta kubuce

Ai ta zargin wasu sun wafce

Alhali mu ne muka nace

Hakkokinmu duk an kwace

 

Nauyaye-nauyaye

Ya akai iyaye

Haka kukai da ’ya’ye

Mazaje da mataye

Masu fuka-fukin tashi da na goye

 

Matsalolin zubar da hawaye

Ana ta batun waye-waye

Wasu ma ba sa waiwaye

Sai zarge-zargen zagaye-zagaye

A kokarta a ga an yaye

 

Kewayowar kwanaki

Matattarar makoni

Waigowar watanni

Cif-cif cikar cika-ciki

Shekarar shirgin aiki

 

Zirin zarar zarrar zira’i

Saurin  sa’in sa’o’i

Binciken binkadin bala’i

Hirjin halin ha’ula’i

Jin jikin jiran jimbirin jam’i

 

Janjanin janye-wuri

Farin fafe-baure

Marisar mare-mare

A-farin-lilon shekare

Mayun na-mujiya wuri-wuri

 

Yawon-wuni

Yawon-wulli

Watan ruwa tuli-tuli

Satun-Baba na nuni

Ukutun-toton-Baba a gani

 

Noman-Baba

Dashen-Baba

Sai ku ji an shekare ba

Wata ta zagayo ba tababa

Cika alkawura ne a gaba

 

Jaddawali

Jerangiyar jidali

Jingar jinko jangali

Jijjigar jalli

Jelen jagaliyar jan hankali

 

Haurobiyawa

Harhada hadidiyar handamewa

Hayagagar hargowa

Hutsancin hautsinewa

Hatsaniyar hantsewa

 

Titin tarairayar takun tarago

Matsugunnin mazauna kogo

Ganawar gajere da dogo

Kar ai wa jama’a shigo-shigo

Jerangiyar jiran jirgogo

 

Tsammanin tsimayi

Tsayuwar tsautsayi

Tsirin tsinin tsayi

Tsinken tsinkayar tsinkayi

Tsokacin tsakani-tsakanin yayi

 

Gwanintar gwamnatoci

Mutane masu munin mutunci

Hakilon hukuma hukunci

Hikayar hantarar habaici

Baje bitar bayanan baitoci

 

An dai yi kasafi

Wasu na sara da dafi

Wasu kuwa da wukar kaifi

Kunduge dukiya bai zam laifi

Jinjinar jama’ar jefi-jefi

 

Kankame karin kadagon kwadago

Lankwame ladar la’ada

Hambude hasafin hada-hada

Takarkarewar takurar taraddadin ta’ada

 

Tarnakin turka-turka ta tattago

 

Tura ta kai bango

Masu mulki a duba agogo

Kar a tura al’umma kango

Ai ta dafa musu rogo

Masu bara ai musu ungo-ungo

 

Baban-burin-huriyya

A daura aniya

A nauyayya niyya

A haskaka Haurobiya

A bambare beran barauniya

 

Lawallin Ahmadu

Dokokin dukan dundu

Arewatawa da kadadar kudu

A bar kwarmaton kwarin tudu

Majalisu na kulle kundu

 

Baban Jamila

Ja-gaban wakilan rafkiya

Ka bai wa al’umma kariya

Kar ku maishe da kowa dan rakiya

Ku kui ta harhada jimilla

 

Hauhawar haraji

Hautsinin harde hanji

Hankoron hangame huji

Buzuzun baza buji

Kuncin kullewar kirji

 

Dawurwurin dumuiniyar daji

Kakarin kyarkyarar kaji

Kujewar kaujen kurji

Kulafucin karar karaji

Kundumbalar kumewar kumaji

 

Iro Mugun Madambaci

Inai maka tsokaci

Kar kai sakacin sakarci

Cafke masu camamar ci-mu-ci

Mamugunta marasa mutunci

 

Nagargarun gama-gari abin la’akari

Kar a gindaya wani ba’ari

Kowa ya samu tattasai da tumatiri

Miya ta wadatu a cikin gari

Ka da komai ya zam sai attajiri

 

Gararumar garkar gayauna

Kunyar hatsi a auna

Shukar iri a nuna

Maganganu duk sai a tauna

Girbi da kaka karara kan bayyana

 

Ta haka za a rage korafi

Musamman in an samu tallafi

Sai a samu ragowar aikata laifi

A ladabtar da masu nuna fin karfi

Masu fuffuken tashi sui ilimi da zurfi

 

A sauya salon sauyi

Lallai ku zamto abin koyi

Kar jama’arku su zam bayi

A rage musu kaikaiyi

Don su tasirantu da sabon juyi

 

Sabuwar shekara

Sabon salon shakara

Sha’awar suburbudar sakwara

Sadudar sada sakon sankira

Shagabanin shu’umcin shuhurar shahara

 

Shagulgulan shan gara

Sha’awar shan kara

Shirye-shiryen shirin dara

Shirmen shige-shigen kwadon kwara

Shiga Sharon sheke shanshera

 

Ai gyara Baba

Mu kwashi gara mu raba

A daina haifar da gaba da giba

Ko al’umma ta daina tababa

Kowa-da-kowa ya zo ai haba-haba