Categories: Makaranta

Rumfar rufa-rufar ramuwar-fansa (1)

A farfajiyar Ifiriki

An afka rukuki

ADVERTISEMENT

Ana amsa sallamar ma-ki baki

An niki gari niki-niki

ADVERTISEMENT

Ana nuna kiyayya cikin lakaki

A kadadar kudun karantar yabanya

An samu tawaya

An yi rububin rufe tukunya

An ga kowa yai turjiya

An zo ana faman neman yafiya

Ba wata togaciya

An san masu kafiya

Da masu jimirin juriya

Jigari-jigarin jirgiya

Jan jama’ar jerangiya

Fito-na-fito ba kwankwatsa

An dai yaga cunar hantsa

Ga cizon kunama an gartsa

Ana ta nunin yatsa

Irin fitinar Peter Botsa

Bankaurar bakin Baturen bukkar babbake baki

Ba baren baki-baki

Balullubar bugi-in-bugar bakake

Ba wanda ya san an wasa wukake

Bahallatsar birgimar bijiro da tarnaki

An dai yi fashe-fashe

Dukiya an wawushe

Wai haushi aka huce

Lakumar rayuka kamar hoce

Aka karke da kashe-kashe

Zaman gidan-Buwai

Zuwan Baban bawai

Zancen ai-ai

Zambar wai-wai

Ziyarar kawai-kawai

Garbatin garbai

Kwanaren kwashe-kwashen kwabbai

Motsin muttsuttsuke matsabbai

Birkice-birkicen baibai

Tamoji-tamojin tabe tabbai

Ifiriki

Na da dan ‘uwa mummuki

Mariki

Mai dan maraki

Ba ya bankar buki

Agajinsa har a cikin rukuki

Toye-toyen tawayar tawayen taki

Tunkarar tare tarnaki

Gaba-da-gaban gabagadin garnakaki

Sasarin sarkakiyar sunkurun saki

Sammacen samamen samun saukii

An yi rufa-rufa

An suturta jiki da tufa

Ga tagiya an kafa

Har an sa kafa

Sai kura ta lafa

Rumfar-fansa

Ramar-Faransa

Romon-farin-sa

Ramuwar-fursa

Rarumar fuskar rukurkusa

Rahoton raraka ragas

Ragargaza rukukus

Rankwafawa rakakas

Rafke-rafken rafkiya reras

Rugumniyar rigima rigis

Caccakar  cikas

Casawar casa cas-cas

Cukwu-cukwu cus-cus

Karafkiyar karyar karas

Kululun kulle-kullen kus-kus

Canjaras

Carar ci-maka cus

Cake-caken cikas

Cunkushe-cunkushen cushewa cunkus

Cuku-cukun camamar cin ca’ammas

Sasarin sulallan salansa sil

Salular sulalewa subul

Sabin sassabar sollewa sol

Sululun sullutu sul

Sabalikitan solobiyon silili sal

Tsatsubar tsirin tsitakar tsageru

Tsarin tsikarar tsingaro

Tsokale-tsokalen tsananin tsoro

Tsiri-tsirin tsiro

Tsautsayin tsayuwar tsuru-tsuru

Tsaurin tsiya-tsiya

Tsirarun tsaka-mai-wuya

Tsantsame tsamen tsamiya

Tsurkun tsukukun tsakar tsargiya

Tsororuwar tsagwaron tsikarar tsintsiya

Karon-battar kudancin Ifrikiyya

Karo-da-karon kakarin kariya

Kandamar kunun kwalfiya

Kafa kantunan kurda-kurdar kurdiya

Kashe fatarin faharin tsiya

Kasashe na ginuwa ne da baki

Akwai farare da bakake

Kuna ta noke-noke

Kun karke da duke-duke

Ba kwa kishin Ifiriki

Bakan-gizo

Bakar alewa tai gizo

Bugun buguzum da hazo

Buzuzu bazo-bazo

Bako da bakuwa sun zo

An ga tozo

An yi aringizo

Ana ta kwarmaton kwakwazo

Anai wa mutane kozo

An dai gaza samun gwarzo

Kasa mai sasarin wariya

Hargagin harin ’yan Haurobiya

Jimurdar ja-in-jar jirgiya

Bakin birgimar baudiya

buji-bujin bulaliya

Mamayar mutane

Mahaifar Maman-tine

Makarkashiyar mirgine-mirgine

Madubin Madibar mintsine- mintsine

Mui masalaha mu manne

Shagon shafin-rata

Rugumutsin kaya ratata

Kun bararraje kun sakata

Bakan-kizo ko ba bukata

Rayuwa babbar makaranta

Bakin satar biki

Asusun sautun baki

Dukiyar darkaki

Ku tattare kui daki

Kun samar wa kasarku taki

Kuna kukan mamayar bakinku ne

Yawan cinikin kayan mayen masu sane

Keta haddin adon-gari a kwane-kwane

Kisa da wawushe dukiyar  bakin zaune

Azargagiyar zargin wanne ne

Dambarwar dukunkune-dukunkune

Karami-karami kankane-kankane

Kasurar kundunbalar karfafa kone-kone

Kasa da kasa na ta gane-gane

Damben dabarbarun danne-danne

Jita-jitar jigata

Jagwalgwalon jangwalota

Jimurdar jimami jim

Jijjiga jugum-jugum

Ja-in-jar jajen juyin jarabta

Zomon zamiyar zama

Zugar zirga-zirgar Zangina

Ziryar zabarin zanga-zangar lumana

Zumun zamanin zakwadin zuma

Zakin zukar zuki-ta-mallen zalama

Mu dubi Manin-Dela

Mutumin da yai fafutikar hana lalala

Mai karsashin kassara kasala

Ya shiga sasarin yarin wahala

Haurobiya ta nuna kula

Dabaibayin dagar Desmond Tutu

Yai fama da masu kutu-kutu

Da dimbin mabiyansa rututu

Haka ya fafata ba hutu

Yai ta isar da sakonnin sautu

Babban baban zulu

Yai hani da sharholiyar hululu

Kada dararraku su zam kukan kululu

Matukar akai ta farfasa tulu

Hanin makwalwar modar baki sai butulu

Gwanintar guje wa gardamar garada

Ga gada-gadar gudun gada

Don gudun ta’adar tada kan adda

Ko jawo hadurran kasada

Wai baudaddu ne barada

Wadanda suka ki ji

Tuni sun afka daji

Sun gaza tayar da kwanji

Sai kukan kaji

Ana ta fama da kumburin kurji

Masu mugun nufi

Sun daba wa cikinsu tsitakar kaifi

Sai ta huda kurungu mai shafi

Kui nazarin littafi shafi-shafi

Ko kun zama masu gyaran ta’asar laifi

A rika bai wa juna tallafi

A kauce wa tsatsubar tsafi

Kyawawan ta’adu ai musu kafi

Miyagun ta’adu a magance nasu dafi

Rufin asirin suturta juna da tufafi

Sha’anin shugabanci

Shugaba ya zam mai adalci

Al’ummar kasa a kiyayi butulci

Mu zam masu mutunci

Da ke fafutikar yaye duhun jahilci

Mu yasar da ta’adar wawanci

Da dallakin dalalar dolanci

Ko kwabar kwafsawar batanci

Ka da a shiga kunci

Tattare da kaskanci

Haurobiyawa

Ban da ramuwar gayya

Ku nusar da kyawun halayya

A wajen neman halaliya

Babu duk wata kokowa

Ba gyare-gyare

Irin na kurege da gyare

Ko kankare kure

Da aikin kuskure

Kowane Ifiriki a zam ba bare

A daina bore

Mu kyautata zaman tare

Hawayen kowa a share

Mu samu mu murmure

Kar mu biye wa ’yan ta-more

Kowa ya hadiye haushi

A bar fusatar fushi

Ko fafata farmakin fashi

Basajen basarwar bushi

Kar a zo ana bashi-bashi

Shaidancin shure-shure

Sasarin sare-sare

Turka-turkar takura ta tokare

Taratsin tunkara ta tubure

Ta’adar tarairaya ta tabarbare

Tereren turereniya

Tunkude-tunkude tukunya

Tafarfasar turka-turkar turjiya

Takun-sakar sarkakiy

Tunkunyin tunkun tankiya

Mui ta’awuzi

Mui nema daga kanzi

Tare da neman hirzi

A fadar Butar-lazi

Zayyanarmu ta zanu zi-zi

Masu himma

Magabata sun yi fama

Lallai mui kama-kama

Kowa ya shigo a dama

Amma ban da dama-dama

Mui aiki nagari

Kar a jefa jama’a garari

’Yan kwnatiragin kwagiri

Kui ta kinkimi gatari

Ku zam gatan mazaunan gari

Tarayyar Ifrikiyya

Ai gangamin gayyatar gamayya

Ai kokarin dakushe dafin kiyayya

Ai ta nuna sanayya

Turmutsitsin taron tallafin tarayya

..

Recent Posts

Kirkiro Masarautun Kano: Kotu ta tsayar da ranar yanke hukunci

Babbar kotun jihar Kano ta tsayar da ranar 14 ga Nuwamba 2019, a matsayin ranar da za a yanke hukunci…

1 hour ago

An yi arangama tsakanin ‘yan Kwankwasiyya da Gandujiyya a Kano

Akalla mutum takwas ne suka samu raunuka yayin da aka lalata motoci 10 a yau Litinin lokacin da aka yi…

2 hours ago

Kotu ta daure direba kan zargin yi wa agolarsa ciki a Abuja

Wata Kotun lardi ta birnin tarayya da ke Garin Jiwa Abuja, ta bada umarnin tsare wani direba mai shekara 36…

5 hours ago

’Yan bindiga sun tarwatsa kauyuka 16 sun kashe ’yan banga 3 a Kaduna

Al'ummar Karamar hukumar Igabi da ke a jihar Kaduna sun waye gari cikin tashin hankali inda wasu ’yan bindiga suka…

5 hours ago

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

11 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

11 hours ago