Categories: Kungiyoyi

Rusa masallaci: Kungiyar Matasan Arewa ta zargi Wike da neman rarraba kai

Gamayyar Kungiyoyin Matasan Arewa don Nagartar Kasa, (Coalition of Northern Youth Organisations for National Integrity), ta yi Allah wadai da rusa babban masallacin da ke Unguwar Trans-Amadi a birnin Fatakwal ta Jihar Ribas, da ake zargin Gwamnan Jihar Mista Nyesom Wike da aikatawa. Kungiyar ta bayyana lamarin a matsayin neman burge jama’a ta mummunar hanya don kawar da hankalin al’umma musamman ’yan jihar a kan al’amuran gwamnati da kuma kara jawo rarrabuwar kai a tsakanin mabiya addinai a kasa baki daya.

A wani jawabi dauke da sa hannun jagoran kungiyar ta kasa, Kwamared Bashir Dauda Sabuwar Unguwa Katsina, da aka fitar a farkon makon nan, kungiyar ta bukaci shugabannin jama’a daga dukkan bangarorin kasar nan su ja kunnen Gwamnan ta hanyar amfani da matsayinsu da kuma kungiyoyin samar da zaman lafiya da su ke jagoranta.

ADVERTISEMENT

Haka kungiyar ta yi kira ga al’ummar kasar nan su dauki darasi daga lamarin ta hanyar guje wa zaben jagorori ire-irensa; a matakin shugabanci mai sarkakiya irin na Gwamna da Shugaban Kasa da  sauransu.

Kungiyar hadakan matasan Arewan ta ce, bayanan da aka ruwaito Mista Wike na yi cewa Jihar Ribas ta addinin Kirista ce, kfin daukar haramtaccen matakin, ya nuna cewa rusa masallacin bangare ne kawai na shirin kuntata wa al’ummar Musulmi ta hanyar mayar da jihar ta mabiya addinin Kirista kadai, duk da cewa hakan ya saba kundin tsarin mulkin kasar nan da kuma tafarkin adalci, a cewar sanarwar.

ADVERTISEMENT

A karshe kungiyar ta yaba wa Gwamnan Jihar, Kano, Dokta Abdullahi Umar Ganduje, kan daukar matakin hanzari da ta ce ya yi ta hanyar cewa zai dauki matakin shari’a don kai karar Gwamna Wike, da dokar kasa ta ba da dama, kamar yadda suka bayyana.

..

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago