Search
Subscribe
Shaguna 60 sun kone a Kasuwar ’Yankatako da ke Kano

Kakakin Hukumar Kashe Gobara ta jihar Kano ya ce shaguna akalla 60 sun kone (Hoto: Kano State Fire Service/Facebook)

Shaguna 60 sun kone a Kasuwar ’Yankatako da ke Kano

Wata gobara da ta tashi a Kasuwar ’Yankatako da ke unguwar Rijiyar Lemo a birnin Kano ta lakume dukiya mai tarin yawa.

Wani ganau mai suna Ibrahim Ado ya ce wutar ta tashi ne da misalin karfe 2:30 na dare.

Jami’in hulda da jama’a na  kasuwar, Shamsudeen Danwarure, ya ce gobarar ta lakume shaguna da dama da tarin katakon da ke jibge a kasuwar.

Jami’in hulda da jama’a na Hukumar Kashe Gobara ta Jihar Kano, Saidu Ibrahim, ya tabbatar da tashin gobarar yana cewa shaguna 40 tare da rumfunan je-ka-na-yi-ka (temporary) 20 sun kone kurmus.

Sai dai ya ce ba a kai ga gano musabbabin tashin wutar ba.

  • facebook
  • twitter
  • whatsapp
  • linkedin