Da Dumi Dumi

Siddabarun sihirin sirrin sarari (2)

Sulbin santsin sartsen sulken silin siririn silikin sasarin siddabarun sihirin sirrin zirin zarar zangarniyar zungurun zuga-zugin zarge-zarge zaratan zagayen zaki, lamirin larurar lamari ne da ya haifar da cukwudi-cukwudin cukurkudewar ce-ce-ku-cen carin cakwaikwaiwar caccaka a tsakanin gama-garin gamayyar gangamin gande-ganden gingimemen ginin gambun gewaye giwaye. Ga suka-da-burtsatsen soki-burutsun surkullen muku-mukun manya-manyan munanan maganganun da butu-butu babatun bulle-bullen boyayyun batutuwan bututun bin buyagin bayanai, bayan da aka ga wilkitawar walwalin waliyon walankeluwar wagegen lafcecen littafin lakumar ligidin da aka wallafa don kawwame katafariyar katangar kange kasurgumai katun-katun a cikin al’umma daga farmakin garkuwar gagara-kuwwa.

Garkuwar garkame gambun gunduma-gunduman garadan gadarar girman falle fuka-fukin fifiko dai ba sabon al’amari ba ne a kasar Haurobiya. Sai dai wani hanzari ba rarewa agurguje ba, Haurobiyawa hakika kuna da hakkin bin kadin musababbin abin da ya sanya ba a yi banga-bangar babbake bagiren bini-binin bin barewa ba; ko kafce-kafcen karafkiyar kare-karen kariyar karnai; uwa-uba gayya-gayyar gewaye geffan gambun giwaye?

Asalin asasin asirkar awarwaron asirta asiran al’umma da jami’an je-ka-ka-dawo a farfajiyar cikin can ciki da falalen filin wajen kasar nan, aiki ne da ake gudanarwa a daukacin kasashen sararin duniyar nan, musamman wajen bankadon kulalliyar kulle-kullen kadondoniyar kumbiya-kumbiyar masu tafka ta’asar tusa tasshin tunzura tarin taron taho-mu-gama, a tsakanin miyagu da masu hakki da aka saba cin zalinsu, alhali ba su ji ba, ba su gani ba.

Don haka lamirin lamarin larurar lafcecen littafin karafkiyar kariyar kankane jiga-jigan jijjiga jama’a ya zame wa kowa a kasar nan tamfar kariyar kebabbu  a dabarbarun daburcewar daddabe dababbun daben zagaye zababbu, don tunzurar tababbu, ko don su daina jin dadin kwasar kwadon kwakin kwababbu, har a karke da rugumniyar rugugin ragargaza rubabbu. Kun ga ke nan a iya azarbabi caraf a ce, “zarata zagayen zaki sun alamta alayen alkinta alkaki, cikin muku-mukun make-maken makamar mamakon mamaki, wadda ta haifar da marairecewar mai masaki musamman ma ganin munin muzuran murkushe musaki.” Ganin irin wannan na iya sanyawa a tabbatar da TSIRFAR TSOMOMUWAR TSIRON TSORON TSARO.

Haurobiyawa, lallai mu yasar da juwa-juwar juyin jaki da doke-doken dagar daki-in-daka daki-daki, ballanatana bambamin bankaurar buda baki, har a zo ana ta raurawar razanar raki. Wannan jimurdar jimamin ja-in-ja ta haifar da dama-damar dundumin duma, sanadiyyar gadarar gada-gadar gardamar garadan kumbiya-kumbiyar karma-karma, waje kankane kyankyamin kyamar janjanin jaye-jayen jimamin jimar jeme jemagen jin jikin jaruman jama’a. Kuma wajibi ne a daina jagwalgwalon jagaliyar juhala, muhimmin abin yi dai, shi ne, takun tabbatar da adalar adalcin alkinta awalar al’umma, tare da rangwamen ririta rayuwar gama-garin al’umma. Idan kuwa ba haka ba, to za a ci gaba da nunin ninkayar makamar motsa mukamukin mikin gararumar gyara girkin gwagwagwar gwaramar gwangwajewar gunki gwankin mutum mai mulkin mulaka’u, inda ake ta tsuwurwurta kaka-gidan kariyar kulki. A irin wannan yanayi mamungar mahangar mutane na nuni da cewa, “manya mutane masu kariyar kane-kanen kankane manya-manya daga farmaki, alhali gama-gari na fama da garkuwar garkame wane-da-wane.”

ADVERTISEMENT

’Yan makarantar Dodorido a kan shorido, lallai mu fasko cewa, “zaratan zagayen zaki an dora musu alhakin asirkar azargagiyar awawaron asirta asirin kewaye jiga-jigan jan ragamar jama’a daga dagar dungurin bata-gari, su kuwa marasa galihu ko oho?” a’a ba haka abin yake ba.

Batun ingarman karfen kulafucin kulla karafa, an dai karke da bin bahasi mai jefa wasi-wasi, da tunani wasu sun cunkushe lalitarsu tattare da taro da sisi, alhali talalar talauci ta sanya talaka ba shi da ko asi.” Wannan mahanga babu abin da take lekowa illa tashin tasshin toshe na-mujiyar gannai. Da zarar an ci gaba da irin wannan leke-leken mamungar mahangar, to tabbas an yi wa al’umma SIDDABARUN SIHIRIN SIRRIN SARARI, wato dai a cewar Malam mai yaren Hau-hau wajen hawan-sa ba tare da sa-in-sa ba, cewa, “ga wani abu a kan kurungun uwargidan babban mutum mai rawani, da-da na mujiya da ta hango.” Watakila so ake a mayar da Haurobiya tamfar gidajen amare masu kunshi baibaye da kamshi, yadda rayuwar magidanta (irin su Baba-burin-huriyya da gungun gwamna gwaragwam a jihohi da ’yan majalisar tsofaffi Haurobiya da wakilan rafkiya, tare da sauran rukunin jiga-jigan jigata jama’a) za ta yi ta kara armashi. Ku kuwa gama-garin Haurobiyawa a ci gaba da gashin garwashin gande-ganden gawayi, suya kuwa sai ranar ruguntsumin idi.

Lallai kitabin kariyar kafatanin al’umma da zaratan zagayen zaki suka kattaba, wato ta yiwu suna nufin Haurobiyawa su ne muhimman mutane, mu kuwa muka dauka cewa sai garnakakin gundumi. Watakila ma shi ya sa aka bijiro da tulin tambaya wai “MENE NE DALILIN DUNGUN DAGAR DADDALE DALILAI, WAJEN KAI WA IYALAI FARMAKIN FAFUTIKAR FUFFUKAR FASKE-FASKEN FIFITA FAMIN FAMAN FALKEN FATATTAKA FATAUCIN FANIN FAMA-FAMAI?” Amsa dai, ita ce, “DARKAKIN DURFAFAR DASA DASISA.”

Kowa-da-kowa a zo a yi kama-kama, mu kara himma da kwazo, tunda mun samu makamar yin nasiha ga masu tsuwurwurta miyagun ta’adu. Zaratan zagayen zaki dai mu tsahirta da tsokanarsu, domin su alhakin da ya rataya a kansu na kare sirrin kasa ne, amma jami’an kulkin kulaken dakon dakon dabbar dawa, su ke da alhakin gangamin gamayyar gewaye giwaye, tare da bambamin bulalar biyayyar bini-binin baibaye bareyi; ga jami’an dube-duben dubarudun dumuiniyar shige da fice; uwa-uba masu fusatar farfasa fasa-kwauri wadanda ke yi wa masu sunkurun antayo kaya ta barawon labi-labin lawalin lankwayowa wuraren wa-ka-ci-ka-tashi.

Gwamnatin Baban-burin-huriyya a garkame gingimemen gambun gabotarin gararumar garkuwar gagara kuwwa, don share wa al’umma hawaye su daina tsuwurwurta tsuwwa. Babban jigon lamirin lamari dai, shi ne, sunce sasarin talalar talaucin tataburzar tsawwalar tsugudidin tsada. Haurobiyawa, a yi mai yiwuwa wajen bin doka da oda, sannan mu kyamaci ta’adar tada kan adda; mu zamto masu tarairaya da biyayyar ka’idojin samun fa’idojin faskar fandararun kadankarun da ke huda mana garu. Sai mu ma mui masalahar kawance kawata kawanyar kwakumar kankame kasa daga hare-haren miyagu na ciki da waje da ke tsokale-tsokale tashintashinar tusa tasshin tunzuro tababbu. Aiwatar da managartan tsare-tsaren rairaye rairayin rangwamen rayuwa zai sa a samu dimbin tubabbun ta’adar tada jijiyar juye-juyen jigatar wahalhalun waiwayen wuyan wuya da kululun kayar babakeren buyagin bankare baya.

Share
A latsa wannan alamar domin shiga zauren Jaridar Aminiya