Kocin Manchester United, Ole Gunnar Solskjaer ya kafa sabon tarihi a shekaranjiya Laraba bayan ya samu nasara a wasanni takwas a waje a jere a gasar rukunin Firimiya.
Kafin wannan lokaci, tsohon kocin kulob din ne Sa Aled Ferguson ya taba lashe wasanni bakwai a jere a waje ga kulob din amma sai yanzu sabon koci Solskjaer ya kafa sabon tarihi bayan ya lashe wasanni takwas a waje a jere bayan ya lallasa na Crystal Palace da ci 2-0.
Kawo yanzu Solskaer ya yi wasanni 13 ne inda ya samu nasara a wasanni 10 yayin da ya yi kunnen doki a wasanni biyu sannan ya samu rashin nasara a wasa daya bayan da ya karbi jan ragamar kulob din kimanin wata uku da suka wuce.