Wata tankar mai dauke da man fetur da ya kai lita dubu 33 ta kama da wuta a safiyar yau Asabar.
Tankar mai lamba KJA-900XR ta kama da wuta ne a yankin Ojodu zuwa Berger kusa da gadar Otedola da ke cikin jihar Legas.
A kwanakin dai an ta samun hadarin tankar mai a wannan yanki.
Hukumar bada agajin gaggawa LASEMA ta halarci wajen da gobarar ta kama da misalin karfe 5:15 na asubahin yau, kuma jami’an LASEMA sun taimaka wajen kashe wutar tankar. Kamar yadda Darakta Janar na LASEMA, Dakta Olufemi Oke-Osanyintolu, ya sanar.
