Da Dumi Dumi
ADVERTISEMENT

Wankan rage gajiya domin damina

Tunda damina ta kan-kama, ya kamata mu san irin ruwan da za mu yi amfani da shi. Sau da yawa za ku ga wasu kuraje na feso wa mutum musamman a lokacin damina. Irin hakan na faruwa ne sakamakon yin wanka da ruwan sama.

Fatar mace ya kamata ta zama mai laushi da santsi saboda hakan na kawo wasu sinadarai da za ku sa a cikin ruwan wanka domin rage gajiya da kuma samun fata mai laushi a lokacin damina.

ADVERTISEMENT

Sinadirai

  • Sabulu marar kamshi ko sabulun jarirai (baby soap).
  • Man Rosemary, za ku iya samun wannan a shagunan da ake sayar da nau’o’in man kwalliya.
  • Ruwa .
  • Man Rose Water za ku iya samunsa a inda ake sayar da kayan kwalliya.
  • Man Glycerin.

Amfanin sinadiran

ADVERTISEMENT
  • Man Rosemary na rage rikewar jijiyoyi kuma na kara karfin jiki.
  • Man Glycerin na sanya santsin fata musamman ga mai gautsin fata.
  • Sabulu na cire dattin jiki.
  • Turaren banilla na sanya wa ruwan kamshi.

Hadi

  • A dauki sabulu daya sai a sa shi a kwalba, sannan a sanya man glycerin a cikin kwalbar. A rika girgiza kwalbar sai a bar hadin na tsawon minti biyu zuwa uku.
  • Sai a zuba ruwa a cikin hadin.
  • A diga man Rosemary a cikin hadin.
  • A zuba turaren banilla a cikin hadin domin samun kamshi mai kyayatarwa.

Bayan an gama wanka, sai a zuba ruwan dumi a jiki domin wanke kumfan da ke kan fata.