Categories: Girke Girke

Yadda ake salad din kayan lambu da Dankalin Turawa

Assalamu alaikum Uwargida. Tare da fatar ana cikin koshin lafiya? A yau na kawo muku wani nau’in girki ne kan yadda ake hada salad din kayan lambu da Dankalin Turawa. Wannan girki na da armashi sosai kuma yana taimaka wa jiki. Musamman ga wadanda ke son rage kiba za su iya yin wannan girki domin samun gamsuwa a wajen cin wannan girki. Kuma za a iya gwadawa wajen tarbar baki ko kuma girka wa manyan gobe.

Abubuwan da ake bukata

ADVERTISEMENT
  • Dankalin Turawa
  • Koren wake (green beans)
  • Karas
  • Koren tasshi
  • Albasa
  • Broccoli’kayan kanshi
  • Kayan dandano
  • Man gyada

Hadi

A kankare karas a wanke shi, sannan a wanke koren wake da ruwan gishiri da Broccoli da koren tasshi. A fere Dankalin Turawa sannan a tafasa da gishiri kadan sai a ajiye a gefe.

ADVERTISEMENT

Bayan haka, sai a yayyanka karas manya-manya a wanke a zuba a cikin tukunya da koren wake da broccoli da gishiri kadan sannan a zuba ruwa shi ma kadan a rufe tukunya na tsawon minti daya sai a sauke.

A zuba man gyada kadan a tukunyar tuya sannan a zuba yankakkiyar albasa da yankakken koren tasshi a yi ta juyawa sannan a tsamo hadin broccoli da karas da koren wake a zuba a ciki da kuma Dankalin Turawar a yi ta juyawa.

Sai a zuba kayan dandano da kayan kanshi domin kara wa girkin armashi.

Za a iya cin wannan girki da farar shinkafa ko da dafa- dukanta. A ci dadi lafiya!

. .

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago