Rahotanni na bayyana cewa, wasu `yan bindiga sun kashe mutum 10 a wani sabon hari da suka kai a unguwar Tser Uoreleegeb a shiyyar Ubabai da ke karamar hukumar Guma jihar Benuwe.
Majiyarmu ta gano cewa, lamarin ya faru ne a daren ranar Talata lokacin da wadanda aka kashe ke barci a waje, sai `yan bindigar suka yi ta harbin su bayan sun kashe nan take suka tsere daga unguwar.
Shugaban karamar hukumar Guma Richard Shior ya tabbatar da kisan mutanen da `yan bindigan suka yi.
