’Yan bindiga sun yi garkuwa da Mai Garin Lingyado tare da mutane hudu a Karamar Hukumar Maru da ke Jihar Zamfara.
Hakan ya fito ne cikin wani jawabi da Kakakin Rundunar ’Yan sandan jihar Mohammed Shehu ya fitar.
- Mahara sun kashe mutum 20 a Zamfara
- An kama magidancin da ya yi garkuwa da kansa a Kano
- ’Yan bindiga sun yi garkuwa da basarake a Zamfara
- ‘Yan bindiga sun yi awon gaba da shugaban APC a Zamfara
“Ranar 25 ga watan Oktoba ’yan bindiga sun yi garkuwa da mai gari tare da mutum hudu a kauyen Lingyado.
“Hadin gwiwar ’yan sanda da sojoji sun kai dauki kauyen bayan mun samu kiran gaggawa daga wata lambar waya”, a cewar Shehu.
Ya kara da cewa sun baza jami’an tsaro a dukkanin dazukan da ke makwabta da kauyen domin ceto wadanda aka yi garkuwa da su.
Ya kuma yi kira ga jama’ar jihar da su taimaka wa ’yan sandan da duk wani bayani game da wani abu da ba su yarda da shi ba.
