Hukumar ‘yan sandan jihar Sakkwato sun tsare wani malamin makarantar almajirai mai suna Malam Murtala Mode, da ke yankin Arkillan Magaji a jihar. Ana zargin malamin ne da yin lalata da almajiransa su shida.
Bayan tsare malamin ya bayyana cewa, ya aikata hakan a bisa tsautsayi da kuma saboda kudi.
Kwamishinan ‘yan sandan jihar Sakkwato Ibrahim Kaoje, ya ce a ranar 22 ga watan Mayu 2019 wani lauya Barista Hamza Liman, ya karar malamin ofishin ‘yan sanda na Arkilla. Malamin ya amsa laifin da ake tuhumarsa da shi.