Categories: Fagen Siyasa

’Yan siyasa da Boko Haram na shirin ‘tarwatsa’ Zamfara – Gwamna

Gwamnatin Jihar Zamfara ta fallasa cewa ta samu ‘rahotannin sirri’ dangane da kulle-kullen da wadansu ’yan siyasa ke yi domin su ‘tarwatsa’ Jihar Zamfara.

Sai dai kuma gwamnatin jihar, ba ta bayyana sunayen wadanda take zargi da wannan shirin da ta kira na tarwatsa Jihar Zamfara  ba.

ADVERTISEMENT

Cikin wata sanarwa da Daraktan Watsa Labarai na Gwamnan Jihar Yusuf Gusau ya fitar, ta yi zargin cewa wadansu ’yan siyasa “na kulle-kulle tare da hadin baki da Boko Haram domin a rika kai wa mutanen da ba su ji ba, ba su gani ba hare-hare.”

Jami’in ya kara da cewa shirin da wadannan marasa kishi ke yi shi ne domin su lalata sulhun da aka cimma a jihar ta Zamfara.

ADVERTISEMENT

Daga nan ya kara da cewa wadannan masu niyyar yin wannan mugun nufi sun yi shirin kai hare-hare a wasu kananan hukumomi bakwai a cikin jihar da kuma wasu wurare muhimmai da ke cikin Gusau, babban birnin jihar.

Kananan hukumomin da suka shirya kai wa hare-hare sun hada da Gusau, Tsafe, Talata Mafara, Anka, Zurmi, Maru da Maradun. Wurare biyu da aka shirya kai hari a birnin Gusau su ne Babban Masallacin Juma’a da kuma Kasuwar Barikin Sojoji.

An ce tuni wadannan ’yan siyasa suka dauki sojojin haya na ’yan Boko Haram da za su rika kai wadannan hare-hare.

Daga nan sanarwar ta ce wannan barazana ba za ta tauye wa Gwamna Bello Matawalle gwiwar ci gaba da samar da tsaro a fadin jihar ba.

Gwamnan ya kuma nuna jin dadin yadda ’yan suka sake sakin wadansu mutum 30 da suka hada da maza 15 da mata 15.

. .

Recent Posts

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

6 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

6 hours ago

Matashin da ke sace kudin coci ya shiga hannu

Wani matashi da ake zargi da sace kudin da ake tarawa na sadaka a cocin "Divine church of God" a…

7 hours ago

‘Yan Sanda sun bada belin Malam Niga a Kaduna

Rundunar 'Yan Sandan Jihar Kaduna ta bayar da belin Malam Lawal Yusuf Muduru da aka fisani da Malam Niga wanda…

19 hours ago

An yi garkuwa da Mataimakin Kwamishinan ‘Yan sanda

Rundunar ‘yan sanda ta tabbatar da yin garkuwa Kwamandan shiyyar Karamar Hukumar Suleja kuma Mataimakin Kwamishinan ‘yan sanda ACP Musa…

1 day ago

An gano zakin da ya tsere daga gidan zoo na Kano

Bayan shafe daren jiya ana neman wani rikakken zaki da ya kufce daga gidansa a gidan namun daji na Kano,…

1 day ago