Gwamnan jihar Kebbi Abubakar Atiku Bagudu, ya ce kwanan jihar za ta zama daya daga cikin jihohin da ake hako man fetur a Najeriya, inda za ta bi sahun sauran jihohin da ake samar da man fetur ta hanyar hadingwiwa tsakanin gwamnatin jihar da Hukumar Kula da albarkatun Man Fetur ta Kasa NNPC.
Gwamnan ya kara da cewa, ”A yanzu haka mun yi hadingwiwa da kamfanin Jamus don samar da abubuwan more rayuwa. Kwanan za a kaddamar da kamfanin sarrafa tumatiri a jihar da kamfanin shinkafa kamar su: WACOT, LABANA da Dangote, yayin wasu kamfanonin da suke garuruwan Kamba da Yauri ke ci gaba da rubanya abin da suke sarrafawa“.
