A ranar 1 ga watan Yunin bana ne ake sa ran za a yi wasan karshe a tsakanin kungiyar kwallon kafa ta Liberpool da ta Tottenham dukkansu da suke Ingila a gasar Zakarun Turai. Wasan zai gudana ne a filin wasa na Atletico Madrid da ke Sifen da misalin karfe 7:45 na dare agogon Najeriya.
Liberpool ta kai wannan matsayi ne bayan ta lallasa kulob din FC Barcelona ci 4-0 (jimilla 4-3) a ranar Talatar da ta wuce yayin da Tottenham ta kai wannan mataki bayan ta lallasa kulob din Ajad na Holland da ci 3-2 (jimilla 3 -3).
Wannan wasa ya nuna kungiyoyin Ingila ne za su hadu a wasan na karshe wanda hakan ya nuna kwallo ta koma Ingila a bana.