Categories: Fagen Siyasa

Zan fito takarar Gwamna ko Shugaban Kasa – Gudaji Kazaure

Dan Majalisar Wakilai, da ke wakiltar mazabar Roni, Kazaure da ’Yan Kwashi, Alhaji Muhammad Gudaji Kazaure ya bayyana cewa yana sa ran zai fito takarara Gwamnan Jihar Jigawa ko kuma takarar Shugaban Kasa a zaben shekarar 2023. Alhaji Gudaji Kazaure ya bayyana haka ne yayin da yake zantawa da Sashin HJausa na Gidan Rediyon BBC, bayan da aka tambaye shi game da halin da yake ciki bayan bai samu nasara a kokarinsa na tsayawa takarar Shugabancin Majalisar Wakilai ba.

Gudaji ya amsa cewa tun bayan da Jam’iyyar APC ta ba shi hakuri game da takarar kujerar Shugaban Majalisar Wakilai, shi ma ya hakura. “Na fid da rai, amma idan Allah Ya sa an sake dawowa, to sai inda karfina ya kare.”

ADVERTISEMENT

Gudaji ya kara da cewa yana da burin tsayawa takarar Shugaban Kasa  ko Gwamnan Jihar Jigawa domin ya taimaka wa talaka yadda ya kamata, saboda a cewarsa taimakon da yake yi wa talaka a kujerar dan majalisa ta yi kadan.

“Idan na samu ci gaba, yadda nake so shi ne takarar Shugaban Kasa ko takarar Gwamna. Dan majalisar ma ni gani nake yi ba na iya yi wa talaka wani abu sosai. Amma can inda za a kawo kayan talakawa, to can ne nake ganin zan iya kai su inda talaka zai amfana. Duk abin da gwamnati ta kawo da muke ganin zai iya wa talaka illa, in dai muna nan za mu ce a’a. Kana gani kwanan nan da babban banki suka kafa dokar ajiyar kudi cewa idan an kai ajiyar kudi za a rika cire wani abu muka mike muka ce ba mu yarda ba,” inji shi.

ADVERTISEMENT
. .

Recent Posts

Kirkiro Masarautun Kano: Kotu ta tsayar da ranar yanke hukunci

Babbar kotun jihar Kano ta tsayar da ranar 14 ga Nuwamba 2019, a matsayin ranar da za a yanke hukunci…

1 hour ago

An yi arangama tsakanin ‘yan Kwankwasiyya da Gandujiyya a Kano

Akalla mutum takwas ne suka samu raunuka yayin da aka lalata motoci 10 a yau Litinin lokacin da aka yi…

2 hours ago

Kotu ta daure direba kan zargin yi wa agolarsa ciki a Abuja

Wata Kotun lardi ta birnin tarayya da ke Garin Jiwa Abuja, ta bada umarnin tsare wani direba mai shekara 36…

5 hours ago

’Yan bindiga sun tarwatsa kauyuka 16 sun kashe ’yan banga 3 a Kaduna

Al'ummar Karamar hukumar Igabi da ke a jihar Kaduna sun waye gari cikin tashin hankali inda wasu ’yan bindiga suka…

5 hours ago

An rantsar da sabon Mataimakin Gwamnan Kogi

Duk an kammala shirye-shiryen rantsar da Edward Onoja a matsayin sabon Mataimakin Gwamnan jihar Kogi. Babban alkalin jihar Nasir Ajanah,…

11 hours ago

Yau Buhari zai ziyarci kasar Rasha don halartar taro

A yau Litinin shugaban Najeriya Muhammadu Buhari, zai ziyarci birnin Sochi a kasar Rasha don halartar taron  kwana uku wanda…

11 hours ago