✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Bincika
Click Here To Listen To Trust Radio Live
Kasashen Waje | Labarai | Manyan Labarai

Iran ta harbo jiragen yakin Isra’ila

Iran ta kakkabo jirage marasa matuka a birin Isfahan mai tashar makaman nukilya

Shugaban Kasar Iran, Ebrahim Raisi
Shugaban Kasar Iran, Ebrahim Raisi

Iran ta kakkabo wasu jirage marasa matuka da ake zargin sun kawo mata hari ne daga kasar Isra’ila.

Da talatainin dare ne da aka ji fashewar wasu abubuwan a kusa da filin jirgin birnin Isfahan da ke tsakiyar kasar.

Gidan talabijin na gwamnatin kasar ya ruwaito cewa “an kakkabo jirage uku marasa matuka” a kusa da wani sojoji mai dauke da jiragen yaki samurin F-14 Tomcata a birnin na Isfahan da misalin karfe 12:30 na dare agogon GMT.

Wani kakakin hukumar sararin samaniyan Iran ya shaida wa kafar Aljazeera cewa sun kakkabo jirage marasa matuka, da dama, amma bai yi karin haske ba.

Kafar yada labaran Fars na Iran ta ba da rahoton cewa, gwamnatin kasar ta dakatar da shawagin jirage a kasar sannan ta kunna makamanta na kakkabo jirage da kariyar sararin samaniya.

Amma da daga bisani an dawo da zirga-zirgar jiragen sama yadda aka saba a sasssan kasar .

Ko da yake, kamfanin dillancin labarai na Reuters ya ruwaito Fars na cewa “Ba a san musabbabin karar fashewar abubuwan da aka ji ba, amma ana ci gaba da gudanar da bincike.”

Shirin Isr’aila

Rahotanni na nuni da cewa ita ma Isra’ila, a nata bangaren,  ta kunna makamannta na kariyar sararin samaniya.

Rundunar tsaron Isra’ila ta ce jiniyar gargadin hari sun fara kara a yankunan Arewacin kasar.

Amma daga bisani ta ce karar jiniyar a safiyar Juam’a kuskure ne baya bullar labarin da ke riya cewa Isra’ila ta kai hari Iran.

Dalilin kai hari Isfahan?

Ana ganin Isra’ila za ta kai hari a Isfahan ne kasancewarsa binrin mai dauke muhimman cibiyocin sojin Iran.

A birnin na Isfanan ne tashar binciken soji kan makamin nukiliyar Iran yake.

Sannan birnin Natanz da ke kusa da Isfahan na dauke da cibiyoyin na nukiliya da dama.

Hari kan cibiyoyin sojin Iran a Syria

Kamfanin dillancin labaran Iran, IRNA, ya ba da rahoto cewa an kai harin bom kan wasu cibiyoyin sojin Iran da ke a Kudancin kasar Syria.

Rahoto na cewa an kai harehare-haren na Syria ne a filayen jiragen soji da ke Adra da al-Thala da kuma wata rundunar soji da ke birnin Adra da kuma kauyen Qarfa.

Hakazalika an ji karar fashewar abuwa a yankin Al-Imam da ke Babel a kasar Iraq.

Zaman dar-dar tsakanin Iran da Isra’ila

Ana cikin zulllumi a Iran da Isa’ila fiye da kowane lokaci, bayan da suka fara tayar da jijiyoyin wuya saboda harin Isra’ila a karamin ofishin jakadancin Iran da ke birnin Damascus na kasar Syria, inda Isra’ilar ta kashe ta kashe dakarun juyin juya halin Iran akalla shida.

Ba tare da bata lokaci ba, Iran wadda ke zaman doya da manja da Isra’ila ta kai wa Isra’ilar wani mummunan harin ramuwar gayya da makamai masu linzami kimanin 300 a ranar 13 ga watan nan na Afrilu.

Duk da cewa kasashe sun kadu da harin, Iran ta ce ya yi daidai kuma zai bude wani sabon babi a yankin na Gabas ta tsakiya.

A cewar Iran, ba za ta sake lamuntar wani hari ko wata tsokana daga abokiyar gabar tata ba.

Daga bisa ne Isra’ila ta ce za ta dauki fansa kan harin na Iran, wanda ake ganin shi ne ta kaddamar.

Halin da ake ciki a Isfahan

Kafofin labarai sun ba da labarin cewa al’amaru na gudana lafiya a Isfahan bayan harbo jirage marasa matukan da karar fashewan abubuwa da aka da farko.

Karin Labarai