Tsohon Kyaftin din kulob din Arsenal da ke Ingila Thierry Henry ya zama kocin kulob din Monreal Impact da ke Amurka. Henry ne da kansa ya sanar da haka a shafin sadarwarsa na Twitter a ranar Asabar. Ya ce ya sanya hannu ne a kwantaragin shekara 2 da zimmar idan ya yi kokari za a iya kara masa wa’adin shekara 1.
Wannan shi ne karo na farko tun a watan Janairun bana da Henry ya sake samun aikin horarwa. A watan Janairun bana ne kulob din Monaco na Faransa ya kori Thierry Henry saboda rashin kokari.
Thierry Henry dai ya taba yin kwallo a kulob-kulob da dama da suka hada da Monaco na Faransa da FC Barcelona na Spain da Arsenal na Ingila da New York Red Bull na Amurka kafin ya zama koci.
