Hukumar Yaki da Cututtuka Masu Yaduwa ta Najeriya (NCDC) ta ce an samu karin mutum biyar da suka kamu da cutar Coronavirus a Najeriya.
Wannan ya sa adadin mutanen da zuwa yanzu aka tabbatar sun kamu da cutar ya kai 70.
“Zuwa karfe 8:00 na daren ranar Juma’a 27 ga watan Maris, an tabbatar da karin mutum biyar sun kamu da COVID-19”, a cewar sanarwar da hukumar ta NCDC ta wallafa a shafinta na Twitter.
An dai samu karin mutanen ne a Yankin Babban Birnin Tarayya inda aka sanar karin mutum uku; sai kuma jihar Oyo inda aka samu mutum biyu.
A cikin mutum 70 din da aka tabbatar sun kamu da cutar an sallami mutum uku yayin da guda ya rasu.
Five new cases of #COVID19 have been reported in Nigeria: 3 in FCT & 2 in Oyo State
As at 08:00 pm 27th March there are 70 cases of confirmed #COVID19 reported Nigeria. 3 have been discharged with 1 death. pic.twitter.com/ptbxknBV7b
— NCDC (@NCDCgov) March 27, 2020
