An gudanarar da addu’o’in cika kwana uku da rasuwar Sarkin Zazzau, Alhaji Shehu Idris a fadarsa da ke birnin Zariya.
Dubban jama’a ne suka taru domin addu’ar ciki har da tsohon Shugaban Kasa, Olusegun Obasanjo da Gwamna Nasiru El-Rufai da takwaransa na Jihar Jigawa, Muhammadu Badaru.
- Masu zaben Sarkin Zazzau sun kebe
- Yadda ake zaben sabon Sarkin Zazzau
- Yadda ake juyayin rasuwar Sarkin Zazzau
Tsohon Gwamnan Jihar Kaduna, Mukhtar Ramalan Yero na daga cikin mahalartar addu’ar da ta gudana a safiyar Laraba.
A ranar Lahadi 20 ga Satumba, 2020 ne Allah Ya yi wa Sarki Shehu Idris rasuwa bayan shafe shekara 45 a kan karagar mulkin Masarautar Zazzau a matsayin sarki na 18 .
Ya bar duniya yana da shekara 84 da haihuwa bayan fama da rashin lafiya.
