Kotu ta yanke hukuncin kisa ta hanyar rataya ga matashin nan da ya yi kaurin suna wajen kashe mata a otal a Ribas.
Mai Shari’a Adolphus Enenebi na Babbar Kotun da ke zamanta a garin Fatakwal ya yanke hukuncin ne bayan samun Gracious David West da laifuka shidan da ake tuhumar sa.
Da yake yanke hukuncin a ranar Jama’a, alkalin ya ce hujjojin da aka gabatar sun gamsar da kotun cewa wanda ake zargin ya aikata laifukan.
Sai dai ya sallami mutum na biyu da ake zargi a shari’ar, Nimi ThankGod ya kuma wanke shi daga laifi, saboda rashin kwararan hujjoji.
An gurfanar da Gracious David West ne bisa zarginsa da yaudarar mata a lokuta yana kai su otel yana kashe su daban-daban a garin Fatakwal.
