An kara samun wadanda suka warke daga cutar Coronavirus a Legas.
Mai taimakawa gwamnan Legas a kan sha’anin kiwon lafiya Dakta Tunde Ajayi ne ya bayyana hakan, yana cewa mutum shidan da suka warke an yi jinyar su ne a Asibitin Kula da Masu Cututtuka Masu Yaduwa da ke Yaba.
Dakta Tunde Ajayi, wanda ya bayyana hakan a shafinsa na Twitter @thetundeajai, ya ce za a sallame su nan ba da jimawa ba.
A baya ma mutum na farko da ya shigo da cutar Najeriya dan kasar Italiya ya warke a birnin Legas inda aka sallame shi a makon jiya.
