Wani Mataimakin Kwamishinan ’Yan Sanda ya tsallake rijiya da baya bayan masu zanga-zangar neman rushe ’yan sandan SARS sun yi kansa da mota.
Kwamandan yankin Ajah a Legas, ACP Olugbemi Gbolahan ya sha da kyar ne a lokacin da wata ta kuskure shi amma ta bar shi da rauni a kafa.
- Kotu ta soke daukar ’yan sanda 10,000 da aka yi a 2019
- Matasa sun gudanar da zanga-zangar goyon bayan SARS a Kano
- SWAT ta maye gurbin sashen ’yan sandan SARS
“Kwamandan Yankin ya halarci wurin domin gane wa kansa abin da ke faruwa da kuma tabbatar da tsaro ne a lokacin da mai motar ya yi tukin gangancin har ya kade shi.
“Ana jinyar sa a wani asibiti da ke yankin Ajah, Jihar Legas muna kuma kira ga masu znaga-zanga su kasance cikin nutsuwa da bin doka tare da yin abin da ya dace a koyaushe”, inji shi kakakin ’yan sandan jihar Legas, Muyiwa Adejobi.
Jami’in ya ce ACP Gbolahan ya gamu da gamonsa ne ne a daidai lokacin da mai zanga-zangar ke tukin ganganci yana layi da motar a kan hanya.
